Нурлат районы үзәк хастаханәсе коллективы солдатларга ярдәмгә хезмәт хакының бер өлешен күчерде
Нурлат районы үзәк хастаханә коллективы мобилизацияләнгән якташларыбызга ярдәм йөзеннән җирле фондка 250 мең сумнан артык акча күчергән.
- Хезмәттәшләр үзләренең бер көнлек хезмәт хакларын мобилизацияләнгәннргә ярдәм итүгә күчерү тәкъдиме белән чыктылар. Җыелыш үткәрелде, анда бу инициативаны бөтен коллектив хуплады. Җыелган акчалар безнең сугышчыларга ярдәм итәр дип өметләнәбез, – диде Нурлат районы хастаханәсе баш табибы урынбасары Татьяна Соренкова.
Моннан тыш, мобилизацияләнгән нурлатлыларга ашыгыч ярдәм хезмәткәрләре дә адреслы ярдәм күрсәткән: күптән түгел генә чакырылган 2 хезмәткәрнең уллары өчен алар сәдака итеп 33 мең сум акча җыеп тапшырган, хастаханә коллективы өчен бу мондый хәйрия марафоннарында катнашуның беренче тәҗрибәсе түгел.
- 2014 елда, Кырым Россиягә кушылгач, Татарстан Сәламәтлек саклау министрлыгы инициативасы белән без шулай ук барлык коллектив белән акча җыюга кушылдык һәм матди ярдәм сыйфатында бер көнлек хезмәт хакын күчердек, – дип дәвам итте баш табиб урынбасары.
Гуманитар ярдәмне җыю буенча штабта билгеләп үтүләренчә, район медицина хезмәткәрләре җыйган акчалар генераторлар, бензин пычкылары, балталар һ.б. сатып алуга юнәлдереләчәк.