Нурлатка эш визиты белән «Татарстан – Яңа гасыр» хәрәкәте депутатлары килде
Нурлатка ТР Дәүләт Советы депутатлары, «Татарстан – Яңа гасыр» республика иҗтимагый хәрәкәтенең Дәүләт Советында «Татарстан – Яңа гасыр» депутатлар төркеме әгъзалары килде. Алар «ТНВ» Югары Советы Башкарма комитеты рәисе Алсу Тарханова җитәкчелегендә төрле чараларда катнаштылар.
Нурлат белән танышуны депутатлар соңгы елларда төзелгән һәм ремонтланган шәһәрнең спорт һәм социаль-мәдәни объектларыннан башладылар. Беренче чиратта алар Нурлат районы башлыгы Алмаз Әхмәтшин озатуында «Тулпар» спорт сараенда һәм ябык футбол манежында булдылар. Секцияләрдә булып, алар яшь нурлатлылар өчен спорт белән ныклап һәм максатчан шөгыльләнү өчен тудырылган шартларны югары бәяләделәр. Алмаз Сәлим улы Нурлатта спортның барлык төрләренә дә зур игътибар бирелә, әмма футбол, традиция буларак, популяр. Быел футбол мәйданын төзү белән төркемнәр санын арттырырга һәм бу спорт белән шөгыльләнүче тагын да күбрәк яшүсмерләрне җәлеп итәргә мөмкинлек алды.
«Сәләт» балалар сәнгать мәктәбендә һәм «Киләчәк» балалар иҗаты үзәгендә кунаклар балаларны иҗади юнәлештә үстерү белән шөгыльләнүче бүлекләрнең, түгәрәкләрнең һәм студияләрнең эше белән таныштылар. Әйтик, сәнгать мәктәбендә район башлыгы инициативасы белән күптән түгел театр юнәлешендә булган дүртенче – эстетик бүлек ачылды. Укучылар «Айболит» әкиятеннән өзек куеп, кунакларга да үз осталыкларын күрсәттеләр.
Алсу Тарханова мәктәп директоры Валентина Борһановадан мөмкинлекләре чикле балалар турында кызыксынды, чөнки узган ел «ТНВ» «Гармония» проектын гамәлгә ашыру кысаларында һәм андый балаларда иҗади башлангычны пропагандалау максатыннан биредә зур чара узды. Хәзерге вакытта биредә өч инвалид бала белем ала икән. "Безнең проектлардан соң махсус балаларны музыка мәктәпләренә кабул итә башлаулары куанычлы", - дип шәрехләде Алсу Габдрахман кызы.
Күптән түгел генә капиталь ремонттан соң ачылган җирлекара китапханәдә булу да кунакларда зур хисләр уятты. Биредә алар китапханәнең заманча җиһазланышы һәм яңа мөмкинлекләре белән таныштылар. Биредә яңа мәгълүмат үзәге булдырылган, интерактивлар, хезмәттәшлек студиясе һәм башкалар бар. Алсу Тарханова китапханә директоры Роза Липатовага китаплар тапшырды. Хәер, «Сәләт» сәнгать мәктәбе һәм «Киләчәк» балалар иҗаты үзәге укучылары да депутатлардан бүләксез калмады, аларга китаплар да, иҗади идеяләр студиясе укучыларына рәсем ясау өчен кирәк – яраклар да тапшырдылар.
Алмаз Әхмәтшин җитәкчелегендәге социаль әһәмиятле объектларда булганда депутатлар танылган якташларыбыз – бөек футболчы, СССРның атказанган спорт мастеры Галимҗан Хөсәенов һәм татар театрына нигез салучы Габдулла Кариев һәйкәлләренә чәчәкләр салдылар.