Район башлыгы нурлатлыларга югары уңышларга ирешүләре өчен бүләкләр тапшырды

2022 елның 24 октябре, дүшәмбе

Республика дәрәҗәсендә зур уңышларга ирешкән нурлатлыларны бүген район Советының киңәйтелгән планеркасында бүләкләделәр.

Аларга бүләкләрне район Башлыгы Алмаз Әхмәтшин тапшырды. Әйтик, баш мөхәррир-"Нурлат-информ" АҖ филиалы җитәкчесе Резеда Гиняева, "РИТЭК" ҖЧҖ генераль директоры урынбасары - "ТатРИТЭКнефть"ТПП директоры Алексей Палий һәм нурлатлы Илнур Сәлахов "Ел хәйриячесе 2021" республика конкурсы дипломнарына лаек булдылар. Нурлат гимназиясенең технология укытучысы Наталия Кутузова һәм 9 нчы сыйныф укучысы Алина Ефимова 2021-2022 елларда «Яшь профессионаллар» X милли чемпионатында җиңү белән бәйле рәвештә бүләкләр алдылар.