Нурлатның тату йортында яшьләр спартакиадасы узды

2022 елның 24 октябре, дүшәмбе

Халыклар дуслыгы йортында «Татарстан Республикасы муниципаль районнарында Татарстан халыклары Яшьләр Ассамблеясе вәкиллекләрен үстерү, даими слетлар үткәрү» проекты кысаларында Спартакиада узды.

Биредә яшь нурлатлылар мини-футбол, шашка, шахмат һәм нарда буенча көч сынашты. Һәркем уңай эмоцияләр алды, яңа танышлары да барлыкка килде. Спорт бәйрәмендә иптәшләрчә дусларча атмосфера хөкем сөрде.

Мини-футболда Татарстан халыклары Яшьләр Ассамблеясе вәкиллегенең җыелма командасы җиңү яулады, 2нче урынны – Нурлат аграр техникумы командасы, 3нче урынны чуаш милли берләшмәсенең яшьләр командасы яулады.