Нурлатта физик затларга милек салымнарын түләү ысулларын аңлаттылар
Физик затлар 2021 ел өчен милек салымы кампаниясе тәмамланганчы бер айдан артык вакыт кала: салымнарны 1 декабрьдән дә соңга калмыйча түләргә кирәк.
Татарстан Республикасы буенча №12 Федераль салым хезмәтенең районара инспекциясендә хәбәр итүләренчә, салым хәбәрнамәләре ахырына якынлаша. Электрон салым хәбәрнамәләре Россия Федераль салым хезмәте сайтында теркәлгән барлык салым түләүчеләрнең шәхси кабинетларына җибәрелгән инде. Калган шәхесләр аларны почта аша алачаклар. Хәзерге вакытта Нурлат районара почтамтына 24 меңнән артык салым хәбәрнамәләре килгән, шуларның 90 проценттан артыгы адресатларга китерелгән. Якын арада калганнарын да тарату планлаштырыла.
Салымнарны көннең теләсә кайсы вакытында – электрон ысул белән түләргә була. Моны Россия Федераль салым хезмәте сайтында «Физик затлар өчен салым түләүченең шәхси кабинеты» сервисында, «Физик затларның салымнарын һәм пошлиналарын түләү» сервисында, «Физик затларның салымнары» мобиль кушымтасы ярдәмендә, дәүләт һәм муниципаль хезмәтләрнең бердәм порталында, банкларның онлайн-сервисында эшләргә була.
Шулай да, салым түләү турында белдерү килмәсә, нишләргә?
- Әгәр салым түләүченең салым ташламасы булса яки аны салымнар түләүдән тулысынча азат итүче законда билгеләнгән нигезләре булса, бу очракта белдерү җибәрелми, – дип ачыклык кертте ТР буенча 12нче Федераль салым хезмәтенең районара инспекциясе башлыгы урынбасары Евгений Суслов. - 2021 ел өчен исәпләнгән салымнарның гомуми суммасыннан артып киткән милек салымнары буенча артык түләү яки хәбәрнамә нигезендә физик зат түләргә тиеш булган салымнарның гомуми суммасы 100 сумнан да ким булганда, хәбәрнамә дә җибәрелми. Башка очракларда, салым белдерүе 1 ноябрьгә кадәр килмәсә, салым инспекциясенә мөрәҗәгать итәргә кирәк.
Моны шәхси кабинет яки интернет-сервис аша «Россия Федераль салым хезмәтенә мөрәҗәгать итәргә» мөмкин. Җир, транспорт һәм милек салымнары буенча барлыкка килгән сораулар буенча физик затлар шулай ук районара салым инспекциясенә телефон аша мөрәҗәгать итә алалар 8(84342) 9-37-04, 9-36-67, 9-37-00. Салым түләү белән бәйле сорауларга җавапларны мөстәкыйль табарга Россия Федераль салым хезмәте сайтында «Салым хәбәрнамәләре 2022» промо бите ярдәм итәчәк. Евгений Геннадьевич билгеләп үткәнчә, шәхси кабинетка гариза ясап керсәң, салым хәбәрнамәсе шул ук көнне килә.