Нурлат укучылары сугышчыларга хатлар яза
Шушы көннәрдә шәһәр гимназиясендә 9А сыйныф җитәкчесе Марина Ярхунина Бөтенроссия батырлык дәресе кысаларында сыйныф сәгате үткәрде.
Чараның кунагы сугышчан хәрәкәтләр ветераны Илья Киргизов булды. Ул укучыларга үзенең хезмәте, бүләкләре, узган сынаулары турында сөйләде. Аның белән әңгәмә егетләрдә армиядә хезмәт итүгә карата зур кызыксыну уятты. Укучылар Илья Николаевичка үзләрен кызыксындырган сорауларны да бирделәр.
– Туган өеннән еракта булган кеше өчен иң кадерлесе-туганнары һәм якыннары ярдәме. Көндез һәм төнлә авыр хезмәттә булган махсус хәрби операциядә катнашучыларга корал гына кирәк түгел, сугышчыга аны өйдә көтүләрен белү дә мөһим, – дәрес кунагы укучыларны «Солдатка хат» Бөтенроссия акциясендә катнашырга чакырды.
Балалар акциягә зур теләк белән кушылды, үз хатларында алар хәзерге вакытта махсус операциядә катнашучыларга ихлас рәхмәтләрен җиткереп, хәзерге вакытта алгы сызыкта булган ир-егетләребезгә ярдәм сүзләре белән мөрәҗәгать итте.
- Солдатлар өчен Бөек Ватан сугышы елларында туганнарының фронтка язылган, хәрби рухларын күтәргән хатлары зур әһәмияткә ия булган. Шуңа күрә без дә балалар белән хатларда гади, әмма шул ук вакытта аларга нәкъ менә хәзер бик кирәк булган бик җылы һәм эчкерсез сүзләрне яздык, – дип билгеләп үтте Марина Ярхунина.