Нурлатлылар өлешчә мобилизациягә чакырылган якташлары янына барып кайтты
Кичә Нурлаттан "Сугышчан туганлык" берләшмәсе әгъзалары район Башкарма комитеты белән берлектә Казанда мобилизацияләнгән якташларыбыз янына барып кайтты. Очрашулар «Казан-экспо» һәм Танк гаскәрләре училищесында узды.
Алар мобилизацияләнүчеләргә кыр шартларында яшәр өчен кирәк булган барлык әйберләрне гуманитар ярдәм сыйфатында: генераторлар, бензопила, җылы әйберләр, медикаментлар, азык-төлек продуктларын һәм башкаларны алып барды. Моннан тыш, алар хәйрия концерты да оештырды, анда сәхнә осталары иң яхшы номерлары белән чыгыш ясады.
"Якташларыбыз безне бик җылы каршы алдылар, сугышчыларның рухын күтәрергә ярдәм иткән очрашуга шат булуларын әйттеләр, туган шәһәрләрендә өйләрендә, туган авылларында көтеп торган нурлатлыларга чын күңелдән рәхмәт сүзләрен җиткерделәр», – дип сөйләде «Сугышчан туганлык» эзләү отряды җитәкчесе Владислав Кузьмин.