Марат Әхмәтов Нурлатның 1нче мәктәбендә булды
Нурлатның 1нче шәһәр мәктәбе капиталь ремонт һәм «Татнефть» гранты хисабына үзгәреш кичерде.
Бүген Нурлат муниципаль районы башлыгы Алмаз Әхмәтшин белән бергә 1нче шәһәр мәктәбендә ТР Дәүләт Советы Рәисе урынбасары Марат Әхмәтов һәм башка мөхтәрәм кунаклар булды.
Быел капиталь ремонт кысаларында мәгариф учреждениесендә зур күләмдә эшләр башкарылды, бу мәктәпне тулысынча үзгәртеп корырга мөмкинлек бирде. Моннан тыш, «Татнефть»ГАҖ конкурсында откан Грант кысаларында да бик күп эшләр башкарылды. Бүген биредә дәресләр югары дәрәҗәдә алып барыла: биология, химия һәм физика кабинетлары заманча җиһазландырылган, алар өчен яңа җиһазлар сатып алынган, лабораторияләр кирәкле приборлар белән җиһазландырылган.
Бу мәктәптә кунакларга заманча дәрәҗәдә уку процессын да, мәктәп түгәрәгендә катнашучылар иҗади сәләтләрен дә, укучылар туган телләрендә театральләштерелгән спектакльне дә күрсәттеләр.