Нурлаттан Сабина Бәширова Кукмара районында кросс буенча көмеш призер булды

2022 елның 10 октябре, дүшәмбе

Андрей Чернов истәлегенә багышланган Ачык Чемпионат һәм Кукмара муниципаль районы Беренчелеге Ушторма-Юмье урта мәктәбе базасында узды.

8нче шәһәр мәктәбе укучысы, «Ледок» спорт мәктәбендә тәрбияләнүче Сабина Бәширова Кукмара муниципаль районы ачык чемпионатында һәм беренчелегендә икенче урынны алды. 2 километрлы дистанцияне яшь спортчы 7 минут 28 секунд нәтиҗә белән йөгерде.

Андрей Чернов истәлегенә үткәрелгән традицион ярышларда быел 130 спортчы катнашты.