«Нурлат-информ» журналистлары картлар һәм инвалидлар интернат-йортында яшәүчеләр белән очрашты
«Нурлат-информ»ның иҗат коллективы Халыкара өлкәннәр көне алдыннан Нурлат өлкәннәр һәм инвалидлар өчен интернат-йортта булып кайтты.
Чара туган телләрне саклау темасына багышланды. Очрашуда катнашучыларны баш мөхәррир-«Нурлат-информ» АҖ филиалы җитәкчесе Резеда Гиняева сәламләде һәм аларга чын күңелдән теләкләрен җиткерде.
Интернат-йортта яшәүчеләр һәм Коллектив - «Дуслык» («Дружба», «Туслах») газетасының тугры әбүнәчеләре. Һәр номерны үзләренең туган телләрендә – рус, татар яки чуаш телендә укыр өчен зур түземсезлек белән көтеп алалар. Очрашу вакытында алар журналистлар белән аралашты, аның тарихы турында да белделәр. Анда коллектив тормышыннан төрле еллар фотосурәтләре, «Ансамат кепере» һәм «Нурлы як» әдәби берләшмәләре эше кысаларында нәшер ителгән җыентыклар, шулай ук 1931 елның 9 июлендә дөнья күргән газетаның беренче номеры тәкъдим ителгән күргәзмә дә игътибарны җәлеп итте. Сүз уңаенда, ул өлкәннәрдә зур кызыксыну уятты. Әйтик, Аксубай районында туып-үскән Алинә Крылова интернат-йортта 10 елдан артык яши һәм бу вакыт дәвамында җирле басманың актив укучысы булып тора. “Очрашу бик мавыктыргыч булды, мин газета турында күп белдем", – дип үз фикере белән уртаклашты ул чын раритетны карап.
Чараның махсус кунагы-җирле автор Әлфия Төхвәтуллина һәм шагыйрә Маргарита Литта, сүз уңаеннан, ул «Туслах» газетасының хәбәрчесе, туган телләрендә шигырьләр укыдылар. Интернат-йортта яшәүчеләрнең көчле алкышлары һәм янып торган күзләре аларга аралашудан канәгать калуларының иң яхшы дәлиле булды. Викторина сорауларына дөрес җавап бирүчеләргә тапшырылган бүләкләр һәм истәлеккә фотога төшү чараның күңелле тәмамлануына нокта булды.
"Сез безгә бүген шулкадәр шатлык һәм ләззәт бүләк иттегез, – диде Галиябану Морзаханова. - Игътибар да бүләк безгә. Алга таба очрашуларга өметләнәбез".
"Интернат-йорт белән без күп еллар хезмәттәшлек итәбез. Алар безгә язылу кампаниясе вакытында ярдәм итәләр һәм беренчеләрдән булып безнең акцияләргә кушылалар, – диде Резеда Гиняева. - Очрашу бик күңелле узды, җылы атмосфера хөкем сөрде. Өлкән буын вәкилләренә шатлык китерә алуыбызга һәм аларның көндәлек тормышына ачык төсләр кертә алуыбызга без бик шат».
Моның белән генә күңелле сюрпризлар тәмамланмый әле – Өлкәннәр көне уңаеннан Нурлат телевидениесе буенча аларга багышлап өч телдә музыкаль котлаулар яңгыраячак