Нурлатлылар төбәк проектына кушылды
Район Башкарма комитеты җитәкчесе урынбасары Оксана Терентьева җитәкчелегендә «Татарстан Республикасының хатын-кыз исемнәре: тарих һәм хәзерге заман» төбәк проектын тормышка ашыру буенча киңәшмә узды.
Составына мәгариф, мәдәният, сәламәтлек саклау, спорт һ.б. вәкилләре кергән эшче төркем Татарстан Республикасы һәм Россия Федерациясе үсешенә зур өлеш керткән Нурлат районы хатын-кызлары кандидатураларын җыю һәм сайлап алу мәсьәләләре буенча фикер алышты.
«Татарстан Республикасының хатын-кыз шәхесләре: тарих һәм хәзерге заман» региональ проекты «Мәрхәмәт – Милосердие» республика Дәүләт Советы хатын – кыз депутатлары берләшмәсен оештырды, - дип аңлатма бирде Оксана Геннадиевна. - Проект кысаларында җирле дәрәҗәдә 1920 елдан алып бүгенге көнгә кадәр шактый уңышларга ирешкән Нурлат районы хатын-кызлары турында мәгълүмат җыю күздә тотыла. Алга таба истәлекне саклауга, массакүләм - мәгълүмат чараларында бастыруга, фотографияләр флешмобын оештыруга юнәлдерелгән чаралар, акцияләр уздыру планлаштырыла. Проектның нәтиҗәсе булып китап һәм документаль фильм басылып чыгачак".
Киңәшмәдә катнашучылар кандидатураларны сайлап алу буенча үз тәкъдимнәрен кертте. Чыннан да, безнең район тарихында гына түгел, республика тарихында да үз эзләрен калдырган лаеклы исемнәребез бик күп. Кама аръягы һәм Нурлат шәһәре тарихы төбәк музее директоры Флюра Мурзаханова Ксения Березина, Коммунелла Изотова, Мария Спасова, Любовь Газизуллина, Гөлсинә Мусина, Гөлсирин Садретдинова һ.б. исемнәрен атады.
Киңәшмә ахырында эшче төркем атна ахырына кадәр Татарстан үсешенә зур өлеш керткән районның барлык хатын-кызлары турында мәгълүмат туплау турында бердәм фикергә килде. Киләсе адым-хөрмәткә лаек хатын-кыз кандидатураларын сайлау.