Якташыбыз, Россиянең һәм Татарстанның атказанган төзүчесе Азат Вәлиевка Тукайга багышланган истәлек билгесе тапшырылды

2022 елның 9 сентябре, җомга

Россиянең, Мәскәүнең һәм Татарстанның атказанган төзүчесе Азат Вәлиев Татарстанның Габдулла Тукайның 135 еллыгына махсус әзерләнгән истәлек билгесе белән бүләкләнде. Ул хезмәтендәге казанышлары, шул исәптән шагыйрьгә һәйкәл куюдагы ярдәме өчен бүләк бүләкләнде. Истәлек билгесен Азат Вәлиевка Татарстан Премьер-министры урынбасары-Татарстан Республикасының Россия Федерациясендәге тулы вәкаләтле вәкиле Равил Әхмәтшин тапшырды.

2011 елда Вәлиев җитәкләгән «СУПР» компаниясе Мәскәүдәге Новокузнецк урамы скверында бөек татар шагыйренә монумент урнаштыруда зур ярдәм күрсәтте, дип хәбәр ителә ТР Тулы вәкаләтле вәкиллегенең телеграм-каналында.

• Азат Вәлиевның шәхси ярдәме, җир асты эшләре идарәсе (СУПР) командасының профессиональ эше нәтиҗәсендә төзелеш эшләрен тәүлек әйләнәсендә төгәлли алдык", – дип ассызыклана анда. Азат Вәлиев 1937 елда Татарстан Республикасының Биләр (Нурлат) районы Яңа Әмзә авылында туа. 11 сентябрьдә аңа 85 яшь тула.