Нурлатның 3нче мәктәбе «Җиңү диктанты»н уздыруның төп мәйданчыгы булды
Нурлатлылар Икенче бөтендөнья сугышы темасына багышланган Халыкара тарихи диктантта ел саен катнаша.
Алар барысы да киләчәк буыннар өчен тарихи хәтерне саклау бик мөһим дигән фикердә бердәм.
«Бу диктант минем өчен бик мөһим. Бу Бөек Ватан сугышы елларында яу кырларында һәлак булган бабаларыма хөрмәт. Фронтовиклар, Ватан өчен җиңел булмаган еллар истәлеген саклап калу, кешелек өчен мөһим. Безнең катлаулы чорда бу бик әһәмиятле", - дип уртаклашты 3нче мәктәпнең 9нчы сыйныф укучысы Юлия Краскова. Ул акциягә сыйныфташлары белән бергә кушылды.
Монда укучылар белән беррәттән мәктәп укытучылары да 40нчы елларның дәһшәтле тарихы буенча белемнәрне тикшерергә карар иткән.
Район Башкарма комитетының мәгариф бүлеге начальнигы Алсу Рәхмәтуллинаның катнашуы алар өчен яхшы үрнәк булды.
Нәкъ менә 3 сентябрьдә, канкойгыч сугыш тәмамланган көн булуы белән безнең ил өчен әһәмиятле бу көн.
Шәһәр һәм район җәмәгатьчелеге дә белем бирү-патриотик акциядән читтә калмады. Катнашучылар арасында җирлек башлыклары да, милли-мәдәни берләшмәләр вәкилләре дә бар иде. Мәктәп мәйданында тарихтан белемнәрен 120 нурлатлы тикшерде.
«Диктант 1941-1945 еллардагы вакыйгаларга багышланган 25 сорауны үз эченә ала. Нигездә, алар андый катлаулы түгел. Ләкин мәктәп программасыннан берәр нәрсә онытылса да, хәтердә бу кимчелекләрне тулыландыру өчен яхшы стимул. Бу да әлеге акциянең әһәмияте булып тора", - диде 3нче мәктәпнең тарих укытучысы Рузалия Миңнегулова.