Нурлат районы Башлыгы беренче сыйныфка баручыларга портфельләр бүләк итте
Бүген, 22 августта, Нурлат муниципаль районы башлыгы Алмаз Әхмәтшин, «Мәктәпкә җыенырга ярдәм ит» акциясенә кушылып, 10 яшь нурлатлыга мәктәп кирәк-яраклары тутырылган портфельләр бүләк итте. Шәһәрнең 1нче мәктәбендә укыячак беренче сыйныф укучылары һәм аларның әти-әниләре район Башлыгы белән җылы һәм дустанә атмосферада очрашты. Алмаз Әхмәтшин балаларга портфельләр тапшырганда, яхшы укуларын һәм яхшы билгеләр генә алуларын теләде, районда балаларның һәрьяклап һәм гармонияле үсеше өчен барлык шартлар да тудырылуын билгеләп үтте. Рәхмәт сүзләре белән булачак беренче сыйныф укучыларының әти-әниләре дә мөрәҗәгать итте.
«Без мондый вакытлы һәм бик кирәкле ярдәм өчен бик рәхмәтле. 6 бала тәрбияләүче күп балалы гаилә өчен бу яңа уку елы башланыр алдыннан зур ярдәм», - дип белдерде Ольга Ерепова. Аның улы Роман быел 1нче сыйныфка бара
Чарада катнашучылар үзләре дә җавапсыз калмады, Алмаз Сәлим улы адресына тату «Рәхмәт» тән соң Арсений Маланьин шигырь сөйләде.
Шулай да, район Башлыгы билгеләп үткәнчә, яңа уку елына төп бүләк булып бүгенге бүләкләр түгел, ә 1нче сентябрьдә капиталь ремонттан соң үз ишекләрен ачачак мәктәптә булачак. Биредә бу көннәрдә ремонт эшләре тәмамланып килә, димәк, 660тан артык укучы өчен, шул исәптән 79 беренче сыйныф укучысы өчен, яңа уку елында дәресләр төзекләндерелгән, якты һәм иркен мәктәптә башланачак.