Нурлат районы балалары өчен дзюдоны популярлаштыруга юнәлдерелгән чара оештырылды
Кичә Нурлатның "Заречный" балалар сәламәтләндерү лагерендә ял итүче балалар өчен балалар һәм яшүсмерләр арасында дзюдоны популярлаштыруга юнәлдерелгән чара оештырылды.
18 август көнне лагерьда дзюдо турында лекция укылды, анда "Татар кодоканы" документаль фильмы һәм мотивацион роликлар күрсәтелде. Лекцияне "Батыр" спорт мәктәбе тренеры Марат Гәрәев үткәрде. Ул балаларны дзюдо тарихы һәм фәлсәфәсе белән таныштырды, Россиянең күренекле дзюдочылары турында кызыклы хикәяләр сөйләде.
Аннары ачык мәйданчыкта дзюдо буенча ТР җыелма командасы спортчылары Дмитрий Коберник һәм Никита Павликов дзюдо техникасын күрсәтте.
Спорт бәйрәме тәмамланганнан соң ТР дзюдо федерациясе Вице-президенты Равил Моратшин һәм башкарма директор Марк Зарубин барысын да дзюдо дәресләренә чакырдылар һәм балаларга ТР дзюдо федерациясе атрибутикасы төшерелгән сувенирлар бүләк итте.