Нурлатлылар арасында популяр булган спорт төре – йөзү
Йөзү-Нурлатта балалар арасында популяр тулган спорт төрләренең берсе.
Чөнки ул бер үк вакытта рәхәт тә, кеше сәламәтлеге өчен дә файдалы да. Г. Хөсәенов исемендәге спорт мәктәбе укытучысы - тренер-Юлия Ирина-яшь белгеч. Ул бары бер ел гына балаларны йөзү серләренә өйрәтә. Ул эшкә урнашуның хәтта башка вариантларын карамаган да - туган шәһәрендә төпләнеп, яраткан мәктәбенә эшкә килгән. Узган уку елында спорт мәктәбе коллективы яшь белгечне шатланып каршы алган, беренче көннәреннән үк балалар да үз иткән.
- Йөзү белән җиде ел дәвамында спорт мәктәбендә тренер Илсур Нәбиуллин җитәкчелегендә шөгыльләндем. Бу еллар эчендә төрле ярышларда җиңү яуладым, икенче зурлар разрядым бар. Остазымның спортка булган мәхәббәте һәм аның шәхси үрнәге «Физик культура» белгечлеге буенча Ульяновск педагогика көллиятенә укырга керүемдә дә зур роль уйнагандыр, мөгаен”.
Юлия Аркадьевна көллияттә читтән торып укуын дәвам итә. Спорт мәктәбендә 6-10 яшьлек балалар белән эшли.
- Тренер булып эшләү минем балачак хыялым иде. Миңа бик ошый, - ди ул. – Безнең бурыч-балаларга курку хисен җиңәргә ярдәм итү. Беренче вакытта алар үзләрен сәер хис итә, шуңа күрә алар тулысынча ышана алмый. Тренировкалар барышында балалар үзләрен суда ышанычлы хис итәләр, һәм алар алдында без яңа максатлар һәм бурычлар куябыз.
Йөзүнең сәламәтлеккә файдасы бик зур. Беренчедән, балалар чыдамлыкка өйрәнә, икенчедән, йөзгәндә тәннең барлык мускулларын җәлеп ителә, бу-үпкәләр дә өчен менә дигән тренировка. Билгеле булганча, йөзүчеләрнең иммунитеты нык. Нурлатта исә бу спорт төре белән шөгыльләнү өчен мөмкинлекләр бик зур.
«Тулпар» спорт сараенда шөгыльләр барлык таләпләргә туры килгән ике заманча бассейнда үткәрелә. Моннан тыш, «Батыр»спорт залы бассейнында әлеге спорт төре белән шөгыльләнү өчен барлык шартлар да да бар. Юлия Итрина үзе дә спорт белән актив шөгыльләнә – йөзүдән тыш, волейбол да уйный. Спорт белән мавыгучы шәһәр яшьләре яңа «Кондырча» ландшафт паркында пляж волейболы уйный. Бу коену өчен дә, спорт белән актив шөгыльләнү өчен дә менә дигән урын, дип саный тренер.
Безнең шәһәрдә яшьләрне җәлеп итә торган территорияләр саны елдан-ел арта бара, шуңа күрә яшь белгечнең үз киләчәген Нурлат белән бәйләве гаҗәп тә түгел.
Фотода - Юлия Итрина үзенең тәрбияләнүчесе Демид Николаев белән.