Урып-җыю чорында янгын куркынычсызлыгыy cаклау турында
Уңыш җыю чорында янгын барлыкка килү куркынычы югары булуы һәркемгә мәгълүм.
Эссе һава торышы, коры икмәк, икмәк җыю һәм бөртек эшкәртү агрегатларының төзек булмаган хәлдә булуы бигрәк тә куркыныч тудыра.
Безнең районда шартлау куркынычы булган нефть сәнәгате объектлары (ДНСлар, нефть ятмалары, ГЗУ һ.б.) кырларда яки аларга турыдан-туры бик якын урнашкан урынннар байтак, шуңа күрә болар барысы да тагын да зур куркыныч тудыра һәм янгын куркынычсызлыгы кагыйдәләрен үтәүгә карата җаваплылыкны катгыйлаштыра.
Нәкъ менә шул вакытта икмәк массивларында ут белән саксыз эш итү-ташланган тәмәке, авыл хуҗалыгы машиналарыннан очкын, яки ачык ут кулланудан саксызлык янгынга китерергә мөмкин.
Янгын чыгу ихтималын минимальләштерү-икмәк җыю компаниясенең төп бурычларыннан берсе. Урып-җыю, эшкәртү һәм саклау урыннарына аерым игътибар бирергә, шулай ук авыл хуҗалыгы техникасының янгынга каршы торышын контрольдә тотарга кирәк. Бөртек суктыру техникасында янгын чыгуны булдырмас өчен янгын куркынычсызлыгы кагыйдәләрен үтәү буенча профилактик эш алып барырга, аны тиешле янгын сүндерү чаралары белән комплектларга, янгын сүндергечләрне төзек хәлдә тоту кирәк.
Урып-җыю кампаниясе вакытында уңышны җыеп алу һәм янгын куркынычсызлыгы нормаларын үтәү өчен, барыннан да элек, крестьян - фермер хуҗалыклары җитәкчеләре җаваплы.
Ачык ут кулланырга ярамый, ялкын үрләвен контрольдә тоту мөмкин түгел, бу басуларда масштаблы янгыннарга китерергә мөмкин. Басу кырые буразна итеп сөрелгән булмаса, көчле җил булса, ялкын уңыш әле җыелмаган башка басуларга күчәргә мөмкин. Мондый утны туктатумөмкин түгел.
Бөртеклеләрне урып-җыю чорында янгыннар килеп чыкмасын өчен, янгын куркынычсызлыгы нормаларының төп таләпләрен исегезгә төшерәбез:
Урып - җыю башланганчы барлык урып-җыю техникасы, агрегатлар һәм автомобильләрнең көйләнгән эшләү, майлау, суыту, кабызу системалары төзек булырга, шулай ук төзәтү җайланмалары белән җиһазландырылырга, беренчел янгын сүндерү чаралары белән җиһазландырылырга тиеш.
Тракторчылар, комбайнчылар, аларның ярдәмчеләре һәм урып-җыю эшләрендә катнашучы башка затлар янгын куркынычсызлыгына каршы инструктаж узарга тиеш.
Башак басулары өлгерер алдыннан аларның урман һәм торф массивлары, дала җиренә, автомобиль һәм тимер юллар янындагы урыннарда икмәк басулары 4м киңлектә чабылган һәм сөрелгән булырга тиеш.
Кыр шартларында урып-җыю техникасына ягулык салу кырдан читтә (30 м дан да ким түгел) ягулык заправкалары тарафыннан башкарылырга тиеш.
Урып-җыю машиналарын һәм агрегатларны, кирәк булганда, 30 метрдан да ким булмаган ераклыкта ремонтлау рөхсәт ителә.
Тәмәке тарту һәм икмәк кырлары янында ачык ут белән файдалану катгый тыела.
Шоферлар шуны истә тотарга тиеш: икмәк массивы янында узганда, сүндерелмәгән төпчекләрне кырларга ташларга ярамый, бу шактый югалтулар белән янгынга китерергә мөмкин.
Хөрмәтле гражданнар, крестьян - фермер хуҗалыклары җитәкчеләре, исегездә тотыгыз, югарыда күрсәтелгән янгын куркынычсызлыгы таләпләрен үтәү – һәр кешенең бурычы!
ПСЧ 73 ОПП инженеры Нина Логинкина.