"Автоледи-2022" республика конкурсының зона этабында Нурлаттан Наталья Львова җиңү яулады

2022 елның 4 августы, пәнҗешәмбе

Наталья Львова «Автоледи» конкурсында чираттагы җиңү яулады.

Бүген Чистайда «Автоледи-2022» республика конкурсының зона этабы узды. Анда республиканың 8 районыннан вәкилләр катнашты. Безнең районны муниципаль этап җиңүчесе Наталья Львова тәкъдим итте. Аңа уңыш зона ярышларында да елмайды, конкурс сынаулары нәтиҗәләре буенча ул 1 нче урынны яулады. Мактау пьедесталын аның белән бергә Чирмешән һәм Әлки районнарыннан килгән кызлар да бүлеште. Өчесе дә Казанда узачак конкурста республика күләмендә автомобильне иң яхшы хатын-кыз йөртүче исеме өчен көрәшәчәк.