Алмаз Әхмәтшин Иглай халкын модульле ФАП төзелеше тәмамлану белән котлады
Яңа Иглай авылында заманча фельдшер-акушерлык пункты төзелде.
Нурлат муниципаль районы Башлыгы Алмаз Әхмәтшин, ТР Дәүләт Советы депутаты, «ТНП-Зюзеевнефть» АҖ генераль директоры Шамил Яһүдин, район Советы депутаты, «МАКойл» АҖ генераль директоры Дамир Ишкинеев һ. б. авыл халкын бәйрәм белән котлады.
«Татарстан Президенты Рөстәм Нургали улы Миңнеханов шәхси контрольдә тота торган 40 республика программасы арасында фельдшер-акушерлык пунктлары төзергә ярдәм итүче программаны иң мөһиме дип саныйм: ул халыкның сәламәтлеген саклауга юнәлдерелгән. Кеше авырса, аңа берни дә кызык түгел, ул бары тик сәламәтлек турында гына уйлый. Бүген без Яңа Иглай авылында фельдшер-акушерлык пунктының яңа бинасын ачабыз, ул авыл халкының сәламәтлеге өчен хезмәт итәчәк», – дип Алмаз Әхмәтшин әлеге объектның авыл өчен әһәмиятен билгеләп үтте.
Яңа модульле ФАПта барлык шартлар да тудырылган – салкын һәм кайнар су белән тәэмин итү, канализация бар, яңа медицина җиһазлары, җиһазлар гына түгел, видеокүзәтү системасы да урнаштырылган, шулай ук Интернет та булачак, бу кирәк булганда авыл фельдшерларына табиб консультациясе үткәрергә мөмкинлек бирәчәк.
Яңа Иглай ФАПы 780 кешегә хезмәт күрсәтә, шул исәптән 1 яшькә кадәрге 3 балага, 95 – яшьтән 14 яшькә кадәр, 340 – пенсионерлар. Авыл халкы өчен заманча ФАП ачылу күптән көтелгән вакыйга