Нурлатта «Безнең ишегалды» программасы буенча 24 күпфатирлы йорт ишегалды төзекләндерелә
Совет урамы буенча урнашкан 187нче номерлы йорт ишегалдында һәрвакыт җанлы: иртән һәм кичен биредә балалары "Әкият" балалар бакчасына йөргән, һәм Кормыш микрорайоында яшәүче гаиләләрнең укучылары күпчелеге 4нче номерлы мәктәпкә җәяүләп барырга күнеккән балалар.
Шуңа күрә ишегалдын төзекләндерү барышында яшәүчеләр мәктәпкәчә учреждение янындагы тротуар төзү мәсьәләсен дә күтәрделәр.
– Элек тротуарның коймасы бар иде, әмма вакыт узу белән ул җимерелде, – дип сөйләде 187нче йортта яшәүче Валентина Квашнина. - Безнең микрорайон зур, балалар күп, тротуар булмау сәбәпле, мәктәпкә юл буйлап барырга туры килә.
Бу хакта йортта яшәүчеләр район башлыгы Алмаз Әхмәтшинга да сөйләделәр, ул әле шушы көннәрдә генә башланып килүче төзелеш эшләре белән танышты. Мәктәп юлындагы тротуарны өлешчә төзекләндерү инде ишегалдын төзекләндерү проектына кертелгән, хәзер аны озынайту һәм Дружба урамын тоташтыру күздә тотыла. «Безнең ишегалды» программасы 187нче номерлы йортта яшәүчеләрнең тагын бер көн кадагындагы проблемасын хәл итәчәк-автомобильләр өчен парковка булдырылачак.
– Моңа кадәр биредә парковка юк иде, бу – яшәүчеләр үз көчләре белән вак таш җәеп, кирпеч ватыклары җәйделәр, - диде бу уңайдан «Городок» оешмасы директоры Рөстәм Сафиуллин.