Авыл халкы өчен кызу вакыт җитте
Ишегалдында бер генә сыерың булганда да, азык әзерләү мөһим бурычлардан, алар ике, өч яки аннан да күбрәк икән, бигрәк тә. Кояш та, азык әзерләүнең бөтен мөһимлеген аңлагандай, болыннарга һәм басуларга үзенең нурларын мулдан өләшә.
Чулпан авылында яшәүче крестьян-фермер хуҗалыгы башлыгы Тәүфыйкъ Сингатуллин да һава торышы көннәреннән файдаланып калырга тырыша. Хатыны Вера Николаевна белән бергә 20 баш эре мөгезле терлек асрыйлар, шуларның 10сы-савым сыер.
– Быел ел бик уңайлы килде, яхшы, яңгырлар да булды, җылы да вакытында килде, шуңа печән дә күп. Аны авылдан ерак булмаган болыннардан һәм урманнан чабабыз, - дип уртаклашты Тәүфыйк Гомәрович.
Азык әзерләүгә ике атна элек тотынганнар, хуҗалык территориясендә 150 төргәк яшел хуш исле печән пөхтә итеп өеп куелган инде. КФХ башлыгы сүзләренә караганда, азыкның 80 процентын әзерләргә өлгергәннәр.
Тәүфыйкъ Сингатуллинга хуҗалык алып барырга, әлбәттә, тормыш иптәше булыша. Вера Николаевна бозаулар турында кайгыртуны үз өстенә алган булса, сыер савуны гаилә башлыгы беркемгә дә ышанып тапшырмый, үзе башкара.
- Кечкенәдән сыер саварга өйрәндем, әниемнең сыер савуын карап торырга ярата идем. Бернинди дә авырлыгы юк, иң мөһиме-теләк булсын, - диде фермер.
Үз хуҗалыкларын алар 2013 елда алып баралар, 5 сыердан башлаганнар. Бүген алар – авылның иң нык хуҗалыкларының берсе. Сыерлардан тәүлегенә 130 литрга якын сөт савалар. Ярый әле, аны сату белән дә проблемалар юк – сөт җыйнаучылар һәр иртә сөтне капка төбеннән үк килеп ала.
Гомере буе эретеп ябыштыручы булып эшләгән 60 яшьлек фермер һәм аның хатыны, лаеклы ялга чыкканчы, Чулпан хастаханәсендә балалар шәфкать туташы булып эшләгән хатыны, уңышка бары хезмәт сөючәнлек белән генә ирешеп була, дип саныйлар.
Иренмәсәң, барысына да ирешергә була. Ә авылда хезмәтне, җирне яратмасаң, яшәп булмый, – ди Тәүфыйкъ Гомәрович.
Фермерның бу сүзләрен авыл җирлеге башлыгы Фәргать Зыятдинов та раслады.
- Безнең җирлектә халык бик актив, бүгенге көндә 290 шәхси ярдәмче хуҗалык бар, анда 280 баш мөгезле эре терлек асрала, өч крестьян-фермер хуҗалыгы бар. Тәүфыйкь Гомәр улы үз хезмәте белән яшь фермерлар өчен үрнәк булып тора, - дип билгеләп үтте Фәргать Фәрит улы.
Җәйнең бер көне ел туйдыра, дип юкка гына әйтмиләр. Фермер Сингатуллиннар да шундый девиз белән яши.