Белгеч янгын чыгуныны кисәтү һәм булдырмау буенча профилактика эшләре турында сөйләде

Кызганычка каршы, янгын кешеләрнең көндәлек тормышында сирәк күренеш түгел.

Янгын куркынычсызлыгы таләпләре нигезендә, янгынга каршы ишекләр белән лифт мәйданчыклары һәм җәмәгать объектларының эвакуация чыгу урыннары, янгын һәм шартлау куркынычы булган производстволар урнашкан сәнәгать биналары, торак йортларда урнашкан саклык бүлмәләре  һәм офислар мәҗбүри рәвештә җиһазландырылырга тиеш. Бу хакта 73нче янгын сүндерү һәм коткару бүлегенең ОПП инженеры Сергей Панарин сөйләде.

"Әгәр бинада янгын килеп чыкса, аны янгынга каршы саклагыч каршылыклар белән чиклиләр, ә ишек юлларына янгын куркынычсызлыгы чикләренә ия булган янгынга каршы торучан ишек куела, ул исә күршедәге бүлмәләргә һәм эвакуация юлына ут таралуны тоткарлый», – диде белгеч.

Шулай итеп, сыйфатлы утта янмаучы ишек ут һәм янгынның башка бүлмәләргә үтеп керүен шактый тоткарлый ала. Базарда без 15-120 минут дәвамында утка каршы торучан  ишекләр таба алабыз.

"Ишекләрнең янгынга каршы тору сыйфатын мондый эшләрне башкаруга лицензиясе булган белгечләр билгели. Монтаждан соң барлык ярыклар янмый торган беркеткеч-тыгызлагыч катлам – цемент катнашмасы яки минераль мамык белән тутырылырга тиеш, ә ишек үзе анкер болтлары белән ныгытылырга тиеш", - дип киңәш итә белгеч.

Сергей Панарин сүзләренә караганда, үз объектларында ишекләрне монтажлаучы җитәкчеләр өчен тагын бер мөһим шарт бар-янгын куркынычсызлыгы кагыйдәләре буенча янгын чыккан очракта ишекләр кешеләрне эвакуацияләү ягына ачылырга тиеш.