Нурлатлылар җиңү көнен тантаналы рәвештә каршы алды
Нурлатта тантаналы митинг һәм Җиңү Парады узды.
Традиция буенча алар Хәтер һәм Дан мемориаль комплексы территориясендә узды. Бәйрәмнең төп кунаклары – безнең район ветераннары-күп санлы нурлатлыларның алкышлары астында мемориалга Чулпаннан Бөек Ватан сугышы ветераннары Каим Сәмигулла улы Сәмигуллин һәм Нурлаттан Александр Петрович Лебедев узды.
Тантаналы митингны Нурлат районы башлыгы Алмаз Әхмәтшин ачты.
«Сезне чын күңелдән истәлекле дата, хәрби һәм Хезмәт даны көне – Җиңү көне белән котлыйм. Бөек Ватан сугышының барлык фронтларында 16 меңнән артык нурлатлы катнашты. Бу канкойгыч сугыш кагылмаган гаилә юк. Якташларыбыз Ватанны бик кыю яклап, фашистларны җиңеп чыктылар. Нурлат җире дүрт Советлар Союзы Герое, 1 Россия Федерациясе Герое, ике сугышчан Дан орденының тулы кавалеры тәрбияләгән. Җиңү фронтта гына түгел, ә тирән тылда да, шул исәптән безнең районда да барды. 77нче җиңү язын безнең белән бергә хөрмәтле ветераннарыбыз да билгеләп үтә – бүгенге көндә безнең районда Бөек Ватан сугышында катнашкан 7 кеше яши", - диде Алмаз Сәлимович котлау сүзендә, һәр сугышта катнашучының исемнәрен һәм батырларча сугыш юлына тукталып.
Котлауларга республиканың баш экологы Александр Шадриков та кушылды. Александр Валерьевич Җиңү көне уңаеннан Татарстан Республикасы Президенты Рөстәм Миңнеханов һәм шәхсән үз исеменнән иң җылы теләкләрен җиткерде.
Нурлат шәһәре һәм Нурлат районы хәрби комиссары Заһир Абдуллин Бөек Ватан сугышы вакытында һәлак булган нурлатлыларны һәм тыныч вакытта яралардан вафат булганнар хөрмәтенә бер минут тынлык белән игълан итте.
Митингтан соң бәйрәм программасын Җиңү Парады дәвам итте. Биредә шәһәр мәктәпләренең, техникумның яшь армиячеләре, Нурлатның «Сугышчан туганлык» вәкилләре, чик сакчылары, десантчылар, локаль сугышларда катнашучылар һ.б. катнашты.
Чара мәдәният хезмәткәрләре, балалар сәнгать мәктәбендә тәрбияләнүчеләр, «Эсперанса» ансамбленә йөрүчеләр әзерләгән театральләштерелгән тамаша белән дәвам итте.
Булат Әхмәтшин та бәйрәм чарасында аеруча дулкынлану белән катнашты. «Мин Бөек Ватан сугышында кеөрәшкән туганнарым белән бик горурланам. Мин инде парадны беренче тапкыр гына карарга килмим, миңа бик ошый», – дип уртаклашты Булат.
Үзәк мәйданда бәйрәм чаралары яшь талантлы нурлатлыларның «Театр» скверында концерты белән дәвам итте.