Җиңү көнендә Нурлатта «Балкыш» («Сияние»)ветераннар арасында республика фестиваленең актив катнашучыларын бүләкләделәр
«Театр» скверы сәхнәсенә фестивальнең муниципаль, зона һәм республика турларында җиңүчеләр күтәрелде.
Татарстан Республикасы ветераннары арасында үзешчән башкаручыларның республика фестивале быел 7нче тапкыр узды.
Гадәттәгечә, нурлатлылар анда актив катнашып һәм фестиваль лауреатлары булдылар.
Алар – «Ветеран» халык хоры (җитәкчесе Олеся Илифанова), Валентина Голубева, Галина Долгова һәм Юрий Иванов дуэты, Галина Долгова һәм Валентина Николаева.
Аларны, шулай ук муниципаль һәм зона этапларында җиңүчеләрне бүген Бөек Җиңүнең 77 еллыгына багышланган бәйрәм чарасында бүләкләделәр. Нурлат районы ветераннар (пенсионерлар) Советы рәисе Разия Садретдинова сәхнә осталарына дипломнар һәм бүләкләр тапшырды.
Шулай ук сәхнәдә "Ветераннар - Татарстан Республикасы халыкларының мәдәни мирасын һәм үзенчәлеген саклаучылар" социаль проекты кысаларында Татарстан Республикасы ветераннары (пенсионерлары) арасында Республика халык иҗаты конкурсында актив катнашучыларны бүләкләделәр.