Район балалар бакчаларында Җиңү көненә багышланган чаралар уза
Җиңү көне каршылар алдыннан районның мәктәпкәчә учреждениеләрендә илебезнең төп бәйрәменә багышланган төрле патриотик чаралар уза.
Бүген «Буратино» балалар бакчасында тәрбияләнүчеләр өчен Җиңү көненә багышланган музыкаль-спорт күңел ачу чарасы оештырылды.
"Мәктәпкәчә яшьтәге балаларга патриотик тәрбия бирүгә без зур игътибар бирәбез. Бүгенге чара мәктәпкәчә яшьтәге балаларның әхлакый-патриотик хисләрен ныгытуга, Бөек Ватан сугышы турында белемнәрен формалаштыруга юнәлдерелгән”, - дип билгеләп үтте “ Буратино " балалар бакчасы мөдире Гөлсинур Әбделманова.
Балалар бик теләп сугыш еллары җырларын, шигырьләрне башкарды, биеде, спорт эстафеталарында көч сынашты. Бигрәк тә балаларга 3нче төркемгә йөрүче Артур Мингалимов башкаруында «Катюша» җыры ошады.