Әгәр финанс оешмасы үз клиентының-физик затның мөлкәти таләпләрен канәгатьләндерүдән баш тартса, нишләргә?

Судлар "Финанс хезмәтләрен кулланучылар хокуклары буенча вәкаләтле вәкил турында" Федераль закон нигезендә судка кадәр тәртиптә җайга салынырга тиешле бәхәсләргә карата финанс хезмәтләре кулланучыларыннан дәгъвалар кабул итми. Аның нигезендә, күпчелек очракта финанс оешмасына судка дәгъва бирү алдыннан финанс вәкаләтле вәкилгә мөрәҗәгать итәргә кирәк.

Кулланучы шунда ук финанс вәкилен карау компетенциясенә керә торган бәхәс буенча судка мөрәҗәгать иткән очракта, эшне судта караудан аңа баш тартачаклар. Кулланучы вакытны югалтачак, ә юристлар һәм эксперт оешмалары хезмәтләреннән файдаланганда - әле акчасын да.

Әгәр сездә финанс хезмәтләре кулланучылары һәм финанс оешмалары арасында бәхәсләрне судка кадәр җайга салу тәртибе буенча сораулар калган булса, аларны 8 (800) 200-00-10 телефоны буенча (Россия буенча шалтырату бушлай) финанс вәкаләтле хезмәтенең контактлы үзәге операторларына бирергә мөмкин. Еш бирелә торган сорауларга шулай ук www.finombudsman.ru финанс вәкаләтле вәкиленең рәсми сайтында "Белем базасы" бүлегендә җаваплар табарга мөмкин.