Нурлатлылар 2023 елда төзекләндерү өчен ишегалларын һәм җәмәгать киңлекләрен сайлый алачак

2022 елның 18 апреле, дүшәмбе

15 апрельдән 30 майга кадәр Татарстанда 2023 елда төзекләндереләчәк ишегалды территорияләрен һәм җәмәгать киңлекләрен сайлау өчен тавыш бирү уздырыла.

Нурлатлыларга сайлап алу өчен түбәндәгеләр тәкъдим ителә: Самаренкин һәм Совет урамнары киселешендәге «Нефтьчеләр» скверы; «Кондырча» паркы 3нче чират, Кариев урамы, Нурлат урамыннан Тарн-варн урамына кадәр; Ватутин һәм Завод урамнары янындагы «Каскад» парк комплексы.

Җәмәгать киңлекләреннән тыш, нурлатлылар ишегалды территорияләре өчен дә тавыш бирә алалар.

Тавыш бирү өчен сылтама буенча керергә кирәк.

Исегезгә төшерәбез, тавыш бирү «Торак һәм шәһәр мохите» милли проектының «Уңайлы шәһәр тирәлеген формалаштыру» Федераль проекты кысаларында үткәрелә.