Экоязылучы көне кысаларында «Нурлат-информ»да ике сыерчык оясы уйнатылды
2022 елның икенче яртыеллыгына «Дуслык» («Дружба», «Туслах») газетасына язылган өчен нурлатлылар Валентина Насыйбуллина һәм Тәнзилә Ибраһимова экологик призларга ия булды.
Аларга призларны, шулай ук фирма календарьларын «ТАТМЕДИА» АҖнең «Нурлат-информ» филиалы җитәкчесе - баш мөхәррир Резеда Гиняева тапшырды. Ул аларны җиңүләре белән котлады һәм киләчәктә дә район газетасына язылучылар һәм яраткан укучылары булып калуларын теләде.
"Газетаны соңгы мизгелдә, эш көне ахырында гына кереп яздырдым, һәм менә шундый бәхет елмайды, – диде Валентина Насыйбуллина. – Без үз йортыбыз белән яшибез, сыерчык оясы тузган иде инде, аны ремонтларга яки яңасын ясарга җае чыкмаган иде. Шуңа күрә бүләк отуыма бик шатландым. Безнең оябызга сыерчыклар килеп оялавын телим, миңа аларның сайраулары бик ошый». Валентина Алексеевна район газетасында иң күбе мәкаләләрне, җирле авторларның шигырьләрен, өй көнкүреше һәм уңайлылык турында мәкаләләрне укырга яратуы турында сөйләде. "Бик уңай, яхшы газета", - диде ул.
Тәнзилә Сәгыйтовна газетаны 1985 елдан бирле алдыра, «Нурлат-информ»ның бүләген зур рәхмәт һәм шатлык сүзләре белән кабул итте.
"Машинаны откан кебек булдым, - дип белдерде ул үзенең хис-тойгыларын. - Район газетасы бик ошый, аны түземсезлек белән көтәм, бөтен эшләрне калдырып, укып чыгам. Аның аша барлык район яңалыкларын беләм".
«Нурлат-информ»да әбүнәче көннәре һәр дүшәмбе көнне узачак. Бу көннәрдә район газетасына язылган барлык әбүнәчеләр арасында призлар уйнатылачак.
Киләсе атнада диварга эленә торган сәгать уйнатылачак.
Газетага Совет ур., 113А һәм Карл Маркс ур., 1Г адресы буенча «Нурлат-информ»ның реклама бүлекләрендә язылырга мөмкин.