Нурлатлылар Алексеевскида «Балкыш» («Сияние") республика фестиваленең зона этабында уңышлы чыгыш ясады

2022 елның 11 марты, җомга

Алексеевскида Татарстан Республикасы ветераннары арасында үзешчән башкаручыларның «Балкыш» («Сияние») VII Республика фестиваленең зона этабы узды.

Биредә Кама аръягы зонасының 8 районы вәкилләре арасында нурлатлылар да бар иде. Безнең районнан «Ялгыз җыр башкару», «Вокаль ансамбль», «Хор коллективлары», «Нәфис сүз» һәм «Авторлык әсәре» номинацияләрендә 10 иҗади номер тәкъдим ителде.

Барлык катнашучылар да дипломнар белән бүләкләнде. Ә зона этабында җиңүчеләрне һәм фестивальнең гала-концертында катнашучыларны соңрак игълан итәчәкләр.