2022 елда Татарстанда «Экология»милли проекты кысаларында 162 берәмлек техника һәм җиһазлар сатып алыначак
2022 елда Татарстанда «Экология» милли проектының «Урманнарны саклау» федераль проекты кысаларында 162 берәмлек техника һәм җиһазлар сатып алыначак.
Болар-9 берәмлек «Беларус-82.1» тракторы, 7 берәмлек ЛКТ-4П ярымприцеплары һәм 146 берәмлек Колесов кылычлары.
«Татарстан Республикасында урманнарны саклау «Төбәк проектын гамәлгә ашыру нәтиҗәсендә без ведомство буйсынуындагы учреждениеләрнең техника паркын үз вакытында яңарта алабыз, - диде Татарстан Республикасы Урман хуҗалыгы министры урынбасары Рәис Гомәров.
– «Беларус-82.1» тракторлары янгынга каршы минераллаштырылган буразналарны сызганда һәм яңартканда, урман культуралары өчен туфрак әзерләгәндә, саклагыч урман үсентеләре утыртканда файдаланылачак. Янгын ярымприцеплары урман фонды белән чикләнгән җирләрдә янгын очраклары ачыкланган очракта алыштыргысыз булачак".
Министр урынбасары сүзләренә караганда, 2019-2021 елларда «Экология» милли проекты буенча 164 берәмлек урман-культура, урман-янгын техникасы һәм 649 берәмлек җиһаз сатып алынган.
Белешмә өчен. «Татарстан Республикасында урманнарны саклау» төбәк проекты 2019 елда гамәлгә ашырыла башлады. Аның төп максаты - 2024 елга кадәр киселгән урманнарны яңадан торгызу балансын 100% ка тәэмин итү. Бу максатка ирешү өчен 2 максатчан индикатор билгеләнгән: "Урман торгызу һәм урман үрчетү мәйданының киселгән һәм һәлак булган урман утыртмалары мәйданына чагыштырмасы, %" һәм "Урман янгыннарыннан зыян, млн.сум".