Нурлатта «Ел укытучысы» конкурсының зона этабы башланды

2022 елның 16 феврале, чәршәмбе

Бүген Нурлат гимназиясендә «Ел укытучысы» Бөтенроссия һөнәри осталык конкурсының «Иң яхшы татар теле һәм әдәбияты укытучысы» номинациясендә зона этабы уза.

Анда Нурлат, Аксубай, Әлки, Спас, Чирмешән һәм Яңа Чишмә районнарыннан 6 педагог катнаша.

Конкурс ачылышында катнашучыларны Татарстан Республикасы Мәгариф һәм фән министрлыгының милли мәгариф идарәсе башлыгы Лилия Әхмәтҗанова сәламләде.

Конкурс сынаулары ике этаптан тора: көннең беренче яртысында укытучылар укучылар белән дәресләр, икенчесендә хезмәттәшләре өчен мастер – класслар күрсәтә. Безнең районнан бәйгедә Нурлат гимназиясенең татар теле һәм әдәбияты укытучысы Рузалия Мостафина катнаша.