Татарстан Республикасында цифрлаштыру елын «Киләчәк» балалар иҗат үзәге коллективы инновацион технологияләр өлкәсендә зур уңыш белән каршы алды
Аның «Уңышка юл» дигән методик цифрлы эш “Цифрлы үрләр” Бөтенроссия КОНКУРС-ПРЕМИЯСЕ финалына сайлап алынды
Әлеге конкурс-тормышның барлык өлкәләрен цифрлаштыру дәрәҗәсен күтәрү өчен мөһим чара. Биредә сәламәтлек саклау, мәгариф, ТКХ һәм башка юнәлешләрдә кирәкле чишелешләр тәкъдим ителә.
«Киләчәк» үзәгенең иҗади командасы «Өстәмә белем бирү өчен иң яхшы ИТрешение» номинациясендә баланың көндәлек тормышта үз-үзен тотышы буенча авторлык эшен тәкъдим итте. "Уңышка юл" -ул тарих белән квест-уен, биредә дөрес юл табу максаты белән анда төрле тормыш ситуацияләре тикшерелә. Төп герой-9 яшьлек малай. Шунысы кызык, аның башка компьютер уеннарындагы кебек билгеле бер исеме юк. Һәм моның да үз мәгънәсе бар – һәр бала үзен герой урынына куя ала. Шулай итеп, ул конкрет хәлләрдә яши.
«Соңгы вакытта без куркынычсызлык турында тагын бер кат уйланырга өндәүче хәвефле сигналларны еш алабыз: каядыр янгын вакытында гаилә үлгән, яисә бала көчләү корбаны булган, яки мәктәп укучыларын заложникка алганнар... Балалар уен барышында тормыш ситуацияләрен үзләре төзәтәләр, шул ук вакытта куркынычсыз тәртипнең дөрес моделен эшлиләр», – дип билгеләп үтте «Киләчәк» балалар иҗаты үзәге директоры Эльмира Бикинеева.
Проектның авторы Ләйсән Демьянова сүзләренә караганда, цифрлы методиканы эшләүгә 1 айга якын вакыт киткән. Беренче булып әзер продуктны «Вебмастер» түгәрәк берләшмәсе укучылары сынап карады.
"Уен барышында балалар билгеле бер хәл итүне таләп итә торган кайбер ситуацияләрне үзләре тәкъдим иттеләр. Бергә эшләү кызык булды", - ди педагог һәм кыскача квест барышы белән таныштырды.
Барысы да гадәти иртәдән башлана, бала әле уянып кына барганда һәм шунда ук көн тәртибен бозган көтелмәгән хәлләр белән очраша: кемдер ишеккә шакый, бүлмәдә розеткадан чаткылар чыга. Мондый вакыйгалар геройны көн дәвамында эзәрлекли: таныш булмаган кеше лифт янында көтә, мәктәпкә маршрут барышында юл аша чыкканда, ә аннан соң өстәмә белем бирү учреждениеләренә барганда каршылыклар килеп чыга. Дәресләрдә үз-үзеңне тоту, яшьтәшләр һәм өлкәннәр белән аралашу белән бәйле биремнәр дә бар.
"Без уңышка ирешү юлында барлык адымнарны да алдан карарга тырыштык. Без цифрлы инновацион квесторияләрдә катнашу юлы белән куркынычсыз һәм ышанычлы итеп үз-үзләрен тотучы яшьләрнең уңышлы буыны моделен тәкъдим итәбез. Бу үсәргә омтылучылар өчен үзенә бертөрле этәргеч", - дип бүлешә Ләйсән Рөстәмовна.
Диван-иҗат итү урыны түгел! Шул рәвешле педагог яңа технологияләрне уңышлы үзләштереп кенә калмыйча, авторлык эшләнмәләрен булдыру өстендә эшли торган кызыксынучан балаларны мисал итеп китерә. Ә бит аларның кайберләре әле 1нче сыйныфта гына укый.
«Бүген «Веб-мастер» түгәрәк берләшмәсе дәресләренә 150ләп бала йөри. Бу елга зур игътибар биреп, үз алдыбызга бурычлар куябыз: белем бирү сыйфатын күтәрү өстендә үз эшебездә цифрлаштыру катлаулылыгының принципиаль яңа дәрәҗәсенә күчү. Бу – ата – аналарның «Навигатор» системасы аша запросын үтәү дә, иң актуаль темаларга-сәламәт яшәү рәвеше, юлда үз-үзеңне тоту, Финанс грамоталылыгы да», - ди Эльмира Бикинеева.
Әмма төп максат - цифрлы продуктларны күпләп кертү һәм куллану өчен шартлар тудыру.
“Хәзерге вакытта квестория безнең учреждениедә программалаштыру дәресләрендә актив кулланылышта, әмма без аның белән көндәлек тормышта үз – үзеңне тоту буенча рефлексия дәресләре үткәрү өчен кызыксынган оешмалар белән уртаклашырга әзер", - дип йомгаклады Эльмира Ринатовна.