«Бердәм Россия» Нурлат җирле бүлекчәсенең җәмәгатьчелекне кабул итү бүлмәсендә тематик кабул итү узды
Халыкны социаль яклау мәсьәләләре буенча кабул итүдә Татарстан Республикасы Дәүләт Советы депутаты Людмила Рыбакова катнашты.
Бүген «Бердәм Россия» партиясенең Нурлат җирле бүлекчәсенең җәмәгатьчелекне кабул итү бүлмәсендә ТР Дәүләт Советы депутаты Людмила Рыбакова катнашында «Социаль ярдәм чаралары һәм пенсия белән тәэмин итү буенча яңа чаралар турында» дигән темага тематик кабул итү узды. Әлеге чара 31 гыйнвардан 4 февральгә кадәр «Бердәм Россия» Бөтенроссия сәяси партиясенең җәмәгать кабул итү бүлмәләрендә төрле дәрәҗәдәге депутатлар, шулай ук профильле ведомстволар вәкилләре катнашында үткәрелә торган социаль ярдәм мәсьәләләре буенча гражданнарны кабул итү атналыгы кысаларында оештырылды.
Нурлатта кабул итү онлайн-форматта Нурлат җирле бүлекчәсенең башлангыч бүлекләре секретарьлары катнашында узды. Катнашучыларга кереш сүз белән Людмила Рыбакова мөрәҗәгать итте, халыкка пенсия һәм социаль тәэминатка бәйле мәсьәләләрне үз вакытында җиткерү һәм аңлатуның мөһимлеген билгеләп үтте.
Татарстан Республикасы буенча Россия Пенсия фондының Нурлат районындагы клиентлар хезмәте җитәкчесе (бүлек хокукларында) Рушания Шакирова һәм республика матди ярдәм үзәгенең Нурлат районындагы 33 нче бүлек мөдире Әлфия Сараева 2022 нче елдагы мөһим үзгәрешләр турында сөйләделәр. Бу-пенсияләрне индексацияләү, ана капиталы күләмен арттыру, социаль түләүләр һ. б.
Людмила Рыбакова шулай ук гражданнарны шәхсән кабул итте. Депутатка нурлатлылардан шәхси һәм коллектив характердагы 5 мөрәҗәгать керде.
"Кешеләр тәкъдимнәр белән дә чыга. Минемчә, кире элемтә - бик мөһим. Нурлатлылардан кергән барлык сораулар да эшкә алынды. Закон буенча аларның барысы да 30 көн дәвамында җавап алачак. Сорауларның бер өлеше уңай хәл ителер дип уйлыйм», – дип билгеләп үтте кабул итүдән соң Людмила Николаевна.
Депутат шунда ук күңелле миссия башкарды-ул «Шатлык» балалар бакчасында тәрбияләнүче Рамазан Гыйрфановны туган көне белән котлады. Әле күптән түгел генә Рамазан «Теләкләр чыршысы» Бөтенроссия акциясе кысаларында депутаттан бүләккә виртуаль күзлек алган иде.