Елаур авыл җирлегенең шәхси хуҗалыкларында савым сыерлары арткан
Агымдагы елның 1 гыйнварына җирлектә 230 шәхси ярдәмче хуҗалык исәпләнә, аларда 162 баш эре мөгезле терлек, шул исәптән 101 баш савым сыеры,27 дуңгыз, 169 кәҗә һәм сарык, 11 бия, 1236 баш йорт кош-корт бар.
Авыл җирлеге башлыгы Ольга Охотникова сүзләренә караганда, савым сыерларының баш саны узган ел белән чагыштырганда арткан. Шәхси хуҗалыкларда 24 савым сыеры һәм 6 башка эре мөгезле терлек саны арткан.
“Безнең авыл җирлегендә сөт һәм ит җитештерү белән шөгыльләнүчеләр шактый", – диде Ольга Витальевна һәм Николай Байло гаиләсен мисал итеп китерде, ул инде 40 ел дәвамында терлекләрнең баш санын киметми. Хәзерге вакытта гаилә хуҗалыгында 10 савым сыеры бар.
Галеевлар хуҗалыгында 6 савым сыеры, Галимовлар һәм Тымаковларда – 5әр, Дмитриевларда – 6 сыер исәпләнә. Шулай ук Фәнис Галимов, Гаврил Ефимов хуҗалыкларында 3әр сыер асрала.
“Тапшырылган сөт өчен акча – шәхси ярдәмче хуҗалыклар өчен өстәмә керем, ә күпләр өчен –гаилә бюджетына төп керем", – дип йомгак ясый Елаур авыл җирлеге башлыгы Ольга Охотникова.