Кәкре Атаудан Әгъдәс Гыйләҗев грампластинкалар тыңлый һәм тимераякта шуа
Кәкре Атау авылыннан Әгъдәс Гыйләҗев 61 яшендә дә балачак мавыгуларын ташламый.
Авыл өендәге алдагы бүлмә тулысынча Әгъдәс Гыйләҗевның яраткан шөгыле өчен бүленгән. Балачактан ук ул грампластинкалар җыя башлый, һәм бүген дә яраткан башкаручыларының җырларын яратып тыңлый.
"Музыка һәм спорт белән – балачак мавыгуларым», - ди Әгъдәс Әхмәтович. Бүген аның коллекциясендә 1000нән артык грампластинка, 500дән артык аудиокассета, шулай ук яраткан җырлар яздырылган 300дән артык DVD-кассета һәм йөзләгән DVD-диск бар. Моннан тыш, ул гаилә фотоальбомнарын да бик пөхтә тәртиптә тота.
Әгъдәс Гыйләҗев гомере буе спортка белән дә шөгыльләнә. Быел да ул үзләре янында шугалак ясаган. Кыш көне спорт белән шөгыльләнү аеруча файдалы бит. Шуңа күрә ул тимераяклар киеп, кулларына кәшәкә алып уенга чыга.
Әлбәттә, аңа спорт сөюче башка авылдашлары да кушыла.