Нурлатта Ленинград блокадасын өзүгә багышланган чаралар уза
Бүген, Ленинградны фашистлар блокадасыннан тулысынча азат итү көнендә, район укучылары «Блокада икмәге» Бөтенроссия Хәтер акциясенә кушылды.
Шәһәр гимназиясендә бүгенге иртә фойеда узган Батырлык дәресеннән башланды. Экранда – ул фаҗигале көннәрнең кинохроника кадрлары, яшь армиячеләр башкаруында – ленинградлыларның батырлыгы һәм ныклыгы турында шигырьләр, борынгы үлчәүләрдә тематик күргәзмәдә-125 грамм камалыштагы икмәк. Гимназистлар чыгышларны зур кызыксыну белән тыңлады, күргәзмә белән танышты.
- Тарих дәресләрендә, сыйныф сәгатьләреннән без ул елларның куркыныч вакыйгалары турында ишетеп беләбез. Мондый шартларда ничек исән калырга мөмкин булуы башыма сыймый: ачлык, салкынлык, туганнарың һәм якыннарың үлеме, бомбага тоту... Әмма ленинградлылар исән генә калмаганнар, алар хезмәтләрен, укуларын дәвам иттереп, иңгә – иң куеп туган шәһәрләрен саклауда да катнашкан, - дип уртаклашты укучы Рина Гатина.
- Бүгенге кебек чаралар безгә булганның кадерен белергә өйрәтә. Без өстәлләребездә ризыкларның муллыгына күнеккәнбез һәм кайчагында ашап бетермәгән икмәк кисәген чыгарып ташлыйбыз. Ә бит нәкъ менә аның булмавы сәбәпле, камалышта калган шәһәрдә кешеләр үлә...
Бу акциягә кушылып, без ленинградлыларның батырлыгына хөрмәт күрсәтәбез, чөнки «блокадалы икмәк»нең кисәкләре – әсирлеккә төшмәгән шәһәр символы гына түгел, ә иң мөһиме – Бөек Ватан сугышының фаҗигале вакыйгалары турындагы истәлек, – дип билгеләп үтте тәрбия эшләре буенча директор урынбасары Татьяна Евлейкина,: – бүген сезнең алда халкыбыз тормышындагы тагын бер герой бит ачылды. Сез батырлык һәм патриотизм, Ватанга тугрылык һәм мәхәббәтү үрнәген күрдегез. Аны үз хәтерегездә саклагыз!- дип акция ахырында ул укучыларга мөрәҗәгать итте.