Нурлат сырхауханәсендә балалар өчен ковидтан вакцина бар
Нурлат район сырхауханәсендә балаларны яңа коронавирус инфекциясеннән вакцинацияләү өчен «Гам-Ковид-Вак-М» вакцинасы бар.
Россия Сәламәтлек саклау министрлыгының 2021 елның 6 декабрендәге 1122н номерлы боерыгы белән 12-17 яшьләрдәге балаларны вакцинацияләүнең профилактик прививкалар календарена кертелүе турында «Нурлат-информ»га район үзәк хастаханәсендә хәбәр иттеләр.
«Әмма балаларга бу вакцинацияне ясау ирекле һәм бары ата-ананың яки башка законлы вәкилнең язма ризалыгы белән генә үткәрелә», - диде Нурлат районы хастаханәсе баш табибының эпидемиология мәсьәләләре буенча урынбасары Татьяна Соренкова.
Белгечләр сүзләренә караганда, бу инфекция бик нык мутацияләнә һәм КОВИД-19 белән авырган балаларда нәтиҗәләре аяныч булуы күзәтелә.
"Зинһар, үз карарыгызга җитди карагыз. Вакцинация-ул безнең балаларның куркынычсызлыгын тәэмин итү өчен реаль мөмкинлек. Вакцинацияләүнең нәтиҗәле булуы күп кенә халыкара тикшеренүләр тарафыннан расланган», – диде Татьяна Соренкова.
Әгәр ата-аналар баланы коронавирус инфекциясеннән вакциналаштырырга уйласалар, аларга үз участок педиатрына мөрәҗәгать итәргә кирәк, ул тикшерүдән соң прививкага юллама бирәчәк яки аны үткәрүдән баш тартачак.