Нурлат районында хуҗасыз хайваннарның санын көйләү чаралары үткәрелә
Җирле үзидарә органнары «Муниципаль районнарның һәм шәһәр округларының җирле үзидарә органнарына хайваннар авыруларын кисәтү һәм бетерү, аларны дәвалау һәм карап тоту, халыкны кеше һәм хайваннар өчен уртак чирләрдән яклау чараларын үткәрүне оештыру өлкәсендә Татарстан Республикасының аерым дәүләт вәкаләтләрен бирү турында» 13.01.2012 ел, № 9-ТРЗ Татарстан Республикасы Законы нигезендә күзәтүчесез хайваннар санын җайга салуны гамәлгә ашыралар.
Җирле үзидарә органнарына тапшырылган дәүләт вәкаләтләрен гамәлгә ашыруны тикшереп тору Татарстан Республикасы Министрлар Кабинетының Баш ветеринария идарәсе тарафыннан гамәлгә ашырыла.
Муниципаль районнарның һәм шәһәр округларының җирле үзидарә органнарына дәүләт вәкаләтләрен башкару өчен Татарстан Республикасы Финанс министрлыгы тарафыннан ветеринария идарәсе аша Татарстан Республикасы бюджетыннан субвенцияләр бүлеп бирелә.
Хайваннар авыруларын кисәтү һәм бетерү, аларны дәвалау, аларны аулау һәм карап тоту, халыкны кеше һәм хайваннар өчен гомуми булган авырулардан яклау чаралары исәбенә (9-ТРЗ номерлы Законга кушымта), караучысыз хайваннарны тоту, аларны вакытлыча тоту пунктында тоту чыгымнарына, күзәтүчесез хайваннарның санын җайга салу кертелә:
- күзәтүчесез хайваннарны аулау, шул исәптән аларны вакытлыча тоту пунктына илтү;
-күзәтүчесез хайваннарны вакытлыча тоту пунктында тоту;
- сукбай хайваннарны стерильләштерү (кастрацияләү);
- аеруча агрессив сукбай хайваннарны һәм күзәтүчесез хайваннарны, кеше һәм хайваннар өчен уртак чирләр табылган хайваннарны, яки артык газаплар тудыручы дәваланмый торган авыру булганнарын юк итү һәм утильләштерү.
2021 елда сукбай хайваннарны тоту, транспортировкалау, асрау һәм санын көйләп тоту буенча хезмәтләр күрсәтүгә республика субвенциясе 685 800 сум тәшкил итте.
Нурлатта 2021 елның гыйнварында шәхси эшмәкәр Мадьянкин Сергей Александрович белән сукбай хайваннарны тоту, транспортировкалау, карап тоту һәм аларның санын җайга салу буенча хезмәт күрсәтүгә муниципаль контракт төзелде.
2021 елда субвенция акчасына Нурлат муниципаль районы территориясендә 180 эт аулап тотылды. Шуларның 180е-вакциналаштырылган, 146 сы – стерилизацияләнгән (яки кастрацияләнгән), 180е – табигый яшәү тирәлегенә кире кайтарылган.
Субвенция суммасы тулы күләмдә үзләштерелгән.
2021 елның октябрендә 100 000 сумга өстәмә килешү (җирле бюджет) төзелде. 29 эт ауланган. Аларның 29ы вакциналаштырылган, 10сы стерилизацияләнгән, 29ы табигый яшәү тирәлегенә кайтарылган.
Махсус предприятиеләрдән башка хайваннарны аулау, асрау урынына илтү, исәпкә алу һәм җайга салу буенча чараларны тормышка ашыру чыгымнары нормалары нигезендә, бер йортсыз хайванны аулау бәясе 350,92 сум тәшкил итә, дәвалау-профилактика чаралары (вакцинация, дегельминтация, дезинсекция) – 538,40 сум, хуҗасыз хайванны стерильләштерү (ана этләрне) – 1003,91 сум, хуҗасыз хайванны кастрацияләү(ата этләрне) - 769,72 сум.
2022 елда сукбай хайваннарны тоту, илтү, карап тоту һәм аларның санын җайга салу буенча хезмәтләр күрсәтүгә республика субвенциясенең күләме 639 500 сум тәшкил иткән.
Агымдагы елның 20 көнендә Нурлат шәһәре территориясендә 24 эт аулап алынган.