Россиядә транспортка мәҗбүри техник карау узу кагыйдәләре үзгәрде
Дәүләт автоинспекциясе транспорт чараларын теркәүгә һәм техник карауга карата таләпләрнең үзгәрүе турында хәбәр итә.
2021 елның 30 декабреннән «Транспорт чараларын техник тикшерү уздыру һәм Россия Федерациясенең аерым закон актларына үзгәрешләр кертү турында» Федераль законның 15 статьясына һәм «Россия Федерациясендә транспорт чараларын дәүләт теркәвенә алу турында һәм Россия Федерациясенең аерым закон актларына үзгәрешләр кертү хакында» Федераль законның 15 статьясына үзгәрешләр кертү турында” 30.12.2021 елдагы 494-ФЗ номерлы Федераль закон үз көченә керде.
Әлеге Федераль законның нигезләмәләре белән үзләренә карата техник карау мәҗбүри булмаган транспорт чаралары категорияләре билгеләнә, шулай ук кулланылыштагы транспорт чараларының техник торышын дәүләт контроле (күзәтчелеге) рәвешендә юл хәрәкәте иминлеген тикшерү үткәрелмәгән очраклар билгеләнә.
Шулай итеп, федераль закон нигезендә физик затларга милек хокукында булган һәм бары тик шәхси максатларда гына кулланыла торган җиңел автомобильләр һәм мототранспорт чаралары мәҗбүри техник карау узарга тиеш түгел дип билгеләнә.
Күрсәтелгән транспорт чараларына техник карау уздыру һәм диагностика карталарын рәсмиләштерү, әгәр автомобильләр хезмәт белән бәйле максатларда кулланыла икән, пассажирлар ташу өчен яки таксида теркәлгән булса, мәҗбүри. Техосмотрның ешлыгы автомобиль чыгару елына һәм эксплуатацияләү максатларына бәйле булачак.
10 елдан артык хезмәт максатларында файдаланылучы шәхси автомобильне куллану өчен ел саен техник карау узарга кирәк. Транспорт чарасына 5 елдан да артмаган очракта, пассажирлар ташучы такси һәм автобуслар ел саен, 5 елдан да өлкәнрәк, ярты елга бер тапкыр техник карап чыгарга тиеш.
Үзгәрешләр ЮХИДИдә автомобильләрен теркәүгә дә кагыла: хәзер транспорт хуҗасын исәпкә алу яки алыштыру өчен кирәкле документлар исәбенә гамәлдәге диагностика картасы керә. Әлеге таләп 4 яшьтән өлкәнрәк булган транспорт чараларына кагыла.
ЮХИДИдә автомобиль конструкциясенә үзгәрешләр кертү өчен диагностика картасын бирү мәҗбүри шарт булды. Бу очракта автомобильнең чыккан елы роль уйнамый.
Техник карау мәҗбүри булудан туктаган автомобиль хуҗалары барыбер техник хезмәт күрсәтүнең теләсә кайсы станциясенә мөрәҗәгать итә ала.