Нурлатта «БалыкFest»балык тоту фестивале узды
Быел кышкы балык тоту бәйрәме «Кондырча» ландшафт паркы территориясендә оештырылды.
Бүген Нурлатта кышкы балык тоту буенча традицион ярышларда 50гә якын һәвәскәр балыкчы катнашты. Быел «БалыкFest» адресын алыштырды – нурлатлылар федераль грант кысаларында төзелгән “Кондырча" ландшафт паркына беренче тапкыр җыелды.
«2021 елда без төзелешнең беренче чиратын гамәлгә ашырдык һәм биредә чаралар үткәрү мөмкинлеге туды. Алга таба да “БалыкFest", шулай ук саф һавада башка чаралар оештырырга планлаштырабыз. Гомумән алганда, яңа ел каникуллары вакытында кешеләр өйдә утырмасын, күңел күтәренкелеге алсын өчен күп кенә чаралар үткәрелә. «БалыкFest» ның Нурлат брендларының берсе булуын теләр идек», – дип билгеләп үтте Нурлат районы башлыгы Алмаз Әхмәтшин.
Салкын һава торышы нурлатлыларны бер дә куркытмады, күпләр бәйрәмгә гаиләләре белән килде. Биредә төрле яшьтәге кешеләр өчен кызыклы программа әзерләнгән иде. Предприятие, учреждение һәм оешмалар командалары киез итекләрдән футбол уйнады, чаңгы эстафетасында катнашты, балалар чана шуды, кышкы уеннарда күңел ачты, шулай ук фотоконкурс үткәрелде. Шашлык зонасы да буш тормады, сәүдә нокталары эшләде, кайнар чәй һәм коймак белән сыйланды. Биредә үк балык шулпасын да пешерделәр, аны ярышларда катнашучылар гына түгел, барлык теләүчеләр дә авыз итеп карый алды.
Әлбәттә, төп игътибар балык тоту ярышларына юнәлтелде, аларда нурлатлылар гына түгел, күрше районнардан һәвәскәр балыкчылар да катнашты. Быел җиңүчеләрне шулай ук дүрт номинация буенча билгеләделәр-«Ерткыч балык», «Гади балык», «Хатын-кыз-балыкчы» һәм «Яшь балыкчы». Нәтиҗәләрне ярышларның баш хөкемдары, Татарстан Республикасы балык тоту спорты федерациясе президенты, Россиянең спорт мастеры Олег Гарипов җитәкчелегендәге судьялар комиссиясе бәяләде. Суык аркасында тоту вакытын бераз кыскартуга карамастан, күп кенә балыкчылар шактый яхшы балык тота алдылар. Әйтик, «Тыныч холыклы балык» номинациясендә җиңүче Радик Галиевнең табышы 6 килограммга якын. Ул шулай ук балык лункасын иң тиз бораулау буенча ярышларда икенче булды. Бу номинациядә Павел Белоглазов җиңүче булды. Хәер, абыйлары Петр һәм аның улы, 2нче шәһәр мәктәбе укучысы Николай Белоглазовлар турында «БалыкFest»та тулы гаиләләре белән катнаштылар диеп әйтергә дә була.
Бүләкләү төп сәхнәдә узды. Җиңүчеләргә һәм призерларга дипломнар, кыйммәтле бүләкләрне җылы теләкләр белән Нурлат районы башлыгы Алмаз Әхмәтшин тапшырды. Ул шулай ук бәйрәмне оештыруга зур өлеш керткән спонсорларга – «Балыкчы йорты» кибете хуҗаларына һәм «Нурлатрыба» кооперативы рәисенә рәхмәт хатлары тапшырды.
“Ерткыч балык” номинациясе
1 урын-Голованов Игорь
2 урын-Володарская Надежда
«Тыныч холыклы балык» номинациясе (тыныч балык)
1 урын-Галиев Радик
2 урын-Итрин Аркадий
3 урын-Садретдинов Айрат
"Хатын-кыз-балыкчы" номинациясе
1 урын-Шутова Юлия
2 урын-Уламасова Юлия
3 урын-Володарская Надежда
"Яшь балыкчы" номинациясе
1 урын-Андреев Алексей
2 урын-Белоглазов Николай
“Балык лункасын иң тиз бораулау" номинациясе
1 урын-Белоглазов Павел
2 урын-Галиев Радик
3 урын-Якупов Альберт