Тиздән Нурлатта яңа исемле урамнар барлыкка киләчәк
Бүген Нурлат муниципаль районы һәм Нурлат шәһәре Советларының чираттагы сессиясе булды.
Сессиядә Төньяк һәм Яшьләр микрорайоннарында барлыкка килә торган яңа урамнарга исем бирү турында карар кабул ителде.
Нурлатның Төньяк микрорайонында яңа урамнар барлыкка киләчәк:
- «РИТЭК» ААҖнә нигез салучы, Россия һәм Татарстан нефть тармагы флагманнарының берсе Валерий Исаакович Грайфер хөрмәтенә «Валерий Грайфер» урамы;
- генерал - лейтенант, РФ ФИХ академиясенең беренче урынбасары, якташыбыз Юрий Николаевич Степанов хөрмәтенә «Генерал Степанов» урамы;
- Совет Армиясе һәм РФ Кораллы көчләре генерал-майоры, якташыбыз Ибраһим Кәрим улы Сафин хөрмәтенә «Генерал Сафин» урамы;
-Татарстан Язучылар берлеге әгъзасы, «Филантроп» халыкара премиясе лауреаты, якташыбыз Гакил Шәрифулла улы Сәгыйров хөрмәтенә «Гакыйль Сәгыйров» урамы;
- Социалистик Хезмәт Герое, РСФСРның Атказанган зоотехнигы, якташыбыз Валентин Владимирович Ефимов хөрмәтенә «Валентин Ефимов» урамы;
- математика фәннәре докторы, профессор, якташыбыз Рифкать Ибраһим улы Богданов хөрмәтенә «Рифкать Богданов» урамы;
- Нурлат станциясе 3654нче эвакуация госпитале начальнигы, Нурлат үзәк район хастаханәсенең баш табибы, Татарстан АССРның атказанган табибы Шота Юстинович Арвеладзе хөрмәтенә «Шота Арвеладзе» урамы.
Нурлатның Төньяк микрорайонында түбәндәге урамнар барлыкка киләчәк:
- Татарстан Автономияле Совет Социалистик Республикасы төзелүгә 100 ел тулу уңаеннан «Татарстан АССРның 100 еллыгы» урамы;
- Бөек Ватан сугышы ветераны, сугышчан Кызыл Байрак ордены белән бүләкләнгән якташыбыз Сәлим Салих улы Гафуров хөрмәтенә «Сәлим Гафуров» урамы;
- Нурлат районының беренче футбол командасына нигез салучылар, якташларыбыз - бертуган Алемасовлар хөрмәтенә «Бертуган Алемасовлар» урамы;
- Совет геодезисты, техник фәннәр докторы, профессор, РСФСРның Атказанган фән һәм техника эшлеклесе, якташыбыз Александр Александрович Изотов хөрмәтенә «Александр Изотов» урамы;
- «Нурлатнефть» нефть - газ чыгару идарәсенең беренче җитәкчесе Рәис Зәки улы Сафуанов хөрмәтенә «Рәис Сафуанов» урамы;
- татар язучысы, тәрҗемәче, журналист, хәрби корреспондент, Татарстан Республикасының Габдулла Тукай исемендәге Дәүләт премиясе лауреаты Габдрахман Сафа улы Әпсәләмов хөрмәтенә «Габдрахман Әпсәләмов» урамы;
- Советлар Союзы Герое Георгий Константинович Жуков хөрмәтенә «Маршал Жуков» урамы;
- татар совет драматургы, актер, режиссер, ТАССРның атказанган артисты Кәрим Гали улы Тинчурин хөрмәтенә «Кәрим Тинчурин» урамы;
- ТАССРның атказанган халык артисты, РСФСРның атказанган артисты Әлфия Афзал кызы Авзалова хөрмәтенә «Әлфия Авзалова» урамы;
- җырчы, Татарстан АССРның атказанган артисты, Татарстан АССРның халык артисты Рәшит Ваһап улы Ваһапов хөрмәтенә «Рәшит Ваһапов» урамы;
- татар җырчысы һәм мәдәният эшлеклесе Илһам Гыйльметдин улы Шакиров хөрмәтенә «Илһам Шакиров» урамы;
- Татарстан АССРның халык язучысы Гомәр Бәширов хөрмәтенә «Гомәр Бәширов» урамы;
- Татарстанның җәмәгать һәм дәүләт эшлеклесе Разил Исмәгыйль улы Вәлиев хөрмәтенә «Разил Вәлиев" урамы;
- татар шагыйре, журналист, сәясәт эшлеклесе Роберт Мөгаллим улы Миңнуллин хөрмәтенә «Роберт Миңнуллин" урамы.