Татарстан Республикасы территориясендә метеорологик күренешләрнең интенсивлыгы турында консультация-кисәтү
2021 елның 20-21 ноябрендә Татарстан Республикасы территориясендә актив көнбатыш циклоны килү сәбәпле һава шартларының сизелерлек начарлануы көтелә. Кар, урыны белән көчле юеш кар;
- күз күреме 500-1000 метрга кадәр начарлануы ихтимал, буран;
- секундына 15-20 метр тизлектә көчле җил;
- юлларда бозлавык, урыны белән кар көртләре, кар боткасы.
Температура төнлә 0..-5° тәшкил итәчәк, көндез
-3..+1°.
Россия Гадәттән тыш хәлләр министрлыгының Татарстан Республикасы буенча баш идарәсе түбәндәгеләрне тәкъдим итә:
Көчле буран вакытында ничек эшләргә:
Бинадан бары тик бик кирәк булган очракта гына һәм берәмләп кенә чыгарга.
Туганнарга яки күршеләргә кая баруыгыз һәм кайчан кайтуыгыз турында хәбәр итәргә.
Автомобильдә хәрәкәт иткәндә зур юллардан йөрүне сайлау яхшырак.
Автомобильдән төшкәндә, аннан ерак китмәгез, аны күз уңында тотыгыз.
Бәлага тару турында өзек-өзек гудоклар белән сигнал бирергә һәм ачык төстәге тукыманы ерактан күренерлек урынга элеп куярга мөмкин. Әгәр дә мотор кабызылган булса, сөрем газына агуланмау, вентиляция өчен тәрәзәне төшерергә кирәк.
Ориентацияне югалтканда, беренче очраган йортка керегез.
Таныш булмаган кешеләр янәшәсендә автомобиль, фатир басулардан игътибарлы булыгыз.
Әгәр дә сез бинада бикләнеп калсагыз, кул астындагы ярдәмче әйберләр кулланып, мөстәкыйль рәвештә чыгу юлын карагыз.
Гражданнар оборонасы эшләре һәм гадәттән тыш хәлләр идарәсенә яки торак пункт администрациясенә кар көртләре тутыруның һәм аларны мөстәкыйль чистарту мөмкинлекләре турында хәбәр итегез.
Машина йөртүчеләргә, бигрәк тә ерак араларга барырга ниятләүчеләргә үз автомобильләренең техник торышына аерым игътибар итәргә кирәк.
Сәфәр чыгар алдыннан двигатель һәм аккумуляторның эшләвен тикшерегез, җитәрлек ягулык, яхшы антифриз салыгыз.
Алдан ук җылы әйберләр һәм азык-төлек турында кайгыртырга кирәк, кәрәзле телефон өчен заряд җыю җайланмасын онытмагыз.
Чыгып китәр алдыннан тагын бер кат насос, тагып бару өчен трос, балон ачкычы һәм домкоратның булу – булмавын тикшерегез.
«Тәмәке көйрәтү» җайланмасын тоташтыру комплектын да багажникка кую комачауламас.
Төгәл маршрутны һәм якынча килеп җитү вакытын хәбәр итегез.
Сәфәргә кузгалыр алдыннан гаилә әгъзаларына, күршеләргә, дусларга төгәл маршрутны һәм кире әйләнеп кайтуның якынча вакыты турында хәбәр итү мөһим.
Юлда бәла-каза булса, заманча элемтә чараларыннан файдаланырга кирәк – бу коткару бүлекчәләренең җавап бирү вакытын шактый тизләтәчәк.
Коткаручыларга мөрәҗәгать иткәндә урыны, аерым билгеләре, машинадагы кешеләр саны, авыру балаларныңбулу-булмавы, үзегезнең һәм якыннарыгызның телефоннарын хәбәр итәргә кирәк. Батарея зарядын экономияләү өчен чаралар күрү кирәк.
Трассада ватылып калу очракларында
Автомобильнең алдына һәм артына кисәтү билгеләре куярга, бу хәтта киселгән агач – куак ботаклары да яки аерым күренеп торучы әйберләр дә булырга мөмкин. Әгәр машина эшләп тора икән, сөрем газына агуланмау, вентиляция өчен тәрәзәне төшерергә кирәк.
Эшләп чыгарылган газ кабина һәм салонның ачык тәрәзәләреннән эчкә тулмасын өчен, төнгелеккә яки озак тукталыш вакытында машинаны җилгә каршы куярга кирәк. Җил юнәлешен дә үз куркынычсызлыгың өчен даими тикшереп тору кирәк.
Шуңа да карамастан, машинаның төтен чыгу урынына боз катмавын һәм аның кар белән капланмавын күзәтеп тору мөһим.
Әгәр автомобиль ватылган икән, тынычланыгыз бердәм ашыгыч оператив хезмәтләрнең «101» номерын җыегыз, проблемагыз турында хәбәр итегез һәм ватылып калган урынның координаталарын тапшырыгыз. Җылылыкны саклау һәм булган азык-төлек запасларын экономияле тоту буенча чаралар күрегез. Утын җыярга тырышыгыз, алар булмаганда яхшы янучан материалларны яндырырга мөмкин - алар, гадәттә, шактый күп була.
Җил көчәйгәндә:
- Биналардан чыгуны чикләргә, бина эчендә калырга киңәш итәбез. Балаларны караучысыз калдырмау мөһим.
- Әгәр көчле җил чыканда урамда калсагыз, җир асты кичүләрендә яки биналарның подъездларында яшеренергә киңәш итәбез. Көчле җилдән йортларның стеналары янында качарга кирәкми, чөнки түбәләрдән шиферның һәм башка түбә каплау материалларның төшүе мөмкин. Бу шулай ук җәмәгать транспорты тукталышларына, төзелеп бетмәгән биналарга да кагыла.
- Урамда реклама конструкцияләре, элмә такталар, юл билгеләре, электр тапшыру линияләреннән ераграк торырга кирәк.
- Биек агачлар янында булырга, шулай ук алар белән янәшә автотранспорт - җил сындырган ботаклар зур куркыныч тудыра ала.
- Көчле җил вакытында электр тапшыру линиясе янында калу, өзелгән электр үткәргечләренә якын килү дә бик куркыныч.
- Өске катларның тәрәзәләреннән төшкән ватык пыялалар, шулай ук түбә элементлары һәм җил белән каерылган вак декор өлешләре куркыныч тудыра ала. Төзелә торган яки ремонтлана торган биналар тирәсендә мондый куркыныч бигрәк тә арта.
- Йортларның барлык тәрәзәләрен дә тыгыз итеп ябарга, балконнардан һәм лоджияләрдән тышка коелырга мөмкин булган предметларны алып куярга.
- Торак яки эш урынында тәрәзәләрдән мөмкин кадәр ераграк торырга кирәк.
Машина йөртүчеләргә кискен туктауларны булдырмаска кирәк: туктаганда тизлекне салмак кына киметергә. Тормоз вакытында берничә тапкыр тормоз педаленә басарга, шул рәвешле сигнал биреп, арттан хәрәкәт итүче автомобиль йөртүчеләрне кисәтергә. Автомобильнең техник торышына, бигрәк тә тормоз системасына, шиннарның торышына игътибар итәргә кирәк. Барлык оптика төзек хәлдә булырга тиеш. Тукталышларда ерактан күренүчән жилет кулланырга.
Ерак араларга барудан баш тартыгыз.
Җәяүлеләр өчен билгеләнгән урында гына урамны аркылы чыгарга, шуны истә тотарга кирәк: начар күренү һәм юлның тайгак булуы сәбәпле, машина йөртүчегә транспорт чарасын туктату өчен күбрәк вакыт кирәк;
Транспорт агымына каршы гына хәрәкәт итәргә;
Ерактан күренүчән жилет кулланырга яки кием-салымга яктылыкны кире кайтаручы элементлар беркетергә.
Игътибарлы һәм сак булыгыз!
Бәла-каза очрагындаһәрвакыт ашыгыч хезмәтләрне чакыруның бердәм"101,112" номерына мөрәҗәгать итәргә мөмкин. Шалтыратулар стационарһәм кәрәзле телефоннардан тәүлек әйләнәсе һәм бушлай кабул ителә.
ТР буенча Россия ГТХМ Баш идарәсенең "Ышаныч телефоны"
8 (843) 288-46-96.