Эш көне булмаган көннәргә, шул исәптән социаль юнәлешле коммерциягә карамаган оешмаларга, субсидияләрне ничек алырга: адымлы инструкция
Эш көне булмаган көннәр өчен субсидияне ничек алырга: адымлы инструкция.
РФ Хөкүмәте яңа коронавирус йогышы таралу нәтиҗәсендә хәл начарайган шартларда кече һәм урта эшмәкәрлек субъектларына һәм социаль юнәлешле коммерциячел булмаган оешмаларга субсидияләр бирү кагыйдәләрен раслады (РФ Хөкүмәтенең 2021 елның 7 сентябрендәге 1513 номерлы карары (РФ Хөкүмәтенең 28.10.20021 ел, №1849 карары редакциясендә)
Эш көне булмаган көннәр өчен субсидия кемгә тиеш?
Субсидия түбәндәге шартларны бер үк вакытта үтәгәндә бирелергә мөмкин:
1.Оешма яки эшкуар 2021 елның 10 июленә кадәр кече һәм урта эшкуарлык субъектларының Бердәм реестрына йә социаль юнәлешле коммерциячел булмаган оешмалар реестрына кертелергә тиеш;
2. 2021 елның 10 июленә торышы буенча ЕГРЮЛда (ЕГРИП) күрсәтелгән салым түләүченең икътисадый эшчәнлегенең төп төре Россия икътисадының аеруча зыян күргән тармакларына 1513 Карарга кушымта итеп бирелгән исемлек нигезендә карарга тиеш (5 нче кушымта);
3. Оешма ликвидация процессында түгел, банкротлык процедурасында түгел, аңа карата ЕГРЮЛдан чыгарылу турында карар кабул ителмәгән, ә шәхси эшмәкәр эшчәнлеген туктатмаган, исәптән төшермәгән, ЕГРИПтан чыгарылу турында карар кабул ителмәгән булса.
4. 2021 елның 1 июленә булган мәгълүматларга караганда, алдан түләп куюын исәпкә алып, бурычы 3 мең сумнан артык булмаса.
Субсидияне исәпләү түбәндәгечә башкарыла:
2021 елның июнендә юридик затлар һәм социаль юнәлешле коммерциячел булмаган оешмалар өчен хезмәткә түләүнең минималь 12 792 сум (МРОТ) күләмен хезмәткәрләр санына тапкырлау нисбәтендә.
Хезмәткәрләре булган шәхси эшмәкәрләр өчен: хезмәт өчен түләүнең минималь күләмен 12 792 сум (МРОТ) 2021 елның июнендә хезмәткәрләр санына бер берәмлеккә арттырып тапкырлау ( +ШЭ);
наемга алган хезмәткәрләре булмаган шәхси эшмәкәр өчен: субсидия күләме минималь хезмәт хакы күләмендә (МРОТ) 12 792 сум тәшкил итә.
Игътибар! Моны белү мөһим! 2021 елның июнь аена хезмәткәрләр саны 2021 елның 1 яртыеллыгында салым органнарына билгеләнгән срокта тәкъдим ителгән «Иминият взнослары буенча исәп-хисап» нигезендә билгеләнә. Әлеге субсидия бер тапкыр бирелә.
Субсидия алу гариза бирү нигезендә башкарыла, шуңа күрә субсидия алу өчен гаризаны оешманың урнашу урыны яки шәхси эшмәкәрнең теркәлү урыны буенча салым органына җибәрергә кирәк. Гариза формасы 1513 карарга 4 нче кушымтада китерелгән. Гариза телекоммуникацион элемтә каналлары аша яки салым түләүченең – юридик затның яки шәхси эшкуарның шәхси кабинеты аша тутырыла һәм тапшырыла. Шулай ук аны почта аша да җибәрергә мөмкин.
Россия Федераль салым хезмәте сайтында субсидиягә гаризаны кәгазь рәвештә формалаштырырга мөмкинлек бирүче сервис эшләп килә. Гариза биш эш көне эчендә каралачак. Әгәр барлык шартлар үтәлсә, Россия Федераль салым хезмәте субсидияне исәпләп чыгара, ә Федераль казначылык өч эш көне дәвамында түләүне башкарачак. Бу хакта салым түләүчегә гаризада күрсәтелгән ысул белән хәбәр ителәчәк.
Салым органнары гаризаларны 2021 елның 1 ноябреннән 15 декабренә кадәр кабул итә. Махсус сервислар ярдәмендә Россия Федераль салым хезмәте сайтында мөрәҗәгать итүченең субсидия алу өчен билгеләнгән критерийларга туры килүен мөстәкыйль тикшерергә, шулай ук гаризаны формалаштырырга һәм җибәрергә мөмкин. Субсидияләрне түләү 2021 елның 15 ноябреннән башлана.
Коронавирус авыруы таралудан зыян күргән кече һәм урта эшкуарлар һәм социаль юнәлешле коммерциячел булмаган оешмалар өчен эшләмәгән көннәргә субсидияләр турында бөтен мәгълүматны, "1 ноябрьдән 2021 - covid-19 бизнестан зыян күрүче өчен яңа субсидия" дип аталган махсус промобиттә алырга мөмкин. Монда ук салым түләүче категориясенә карап, аны исәпләп чыгару формуласы, мөрәҗәгать итүчеләргә төп таләпләр, шулай ук аны алу тәртибе китерелгән.