Зирекле авылында күпер ремонтланды һәм көнкүреш кирәк-яраклары бинасы яңартылды

2021 елның 7 ноябре, якшәмбе

Зирекле авылында быел халыкны борчыган зур проблема хәл ителгән: авыл уртасында елга аша салынган күпергә ремонт ясалган. Әлеге күпер транспорт хәрәкәт итүче юлда урнашкан булганга, бу эш бик вакытында башкарылган.

 – Күпер авария хәлендә иде, – диде Биляр Озеро авыл җирлеге башлыгы Ирек Шәрәфетдинов.

– Аны авыл җирлеге бюджеты чараларына, 600 мең сумга ремонтлау мөмкин булды. Моннан тыш, күптән түгел Зирекледә авыл халкының хәйрия акчаларына зират янында көнкүреш кирәк-яраклары өчен билгеләнгән бинаны да яңартканнар.