Нурлат шәһәренең Үзәк мәчетендә төзекләндерү эшләре бара

2021 елның 6 ноябре, шимбә

Дини йортны төзекләндерү эшләре яз көне үк башланды.

Берничә ай дәвамында биредә җылылык системасын алыштырдылар, гыйбадәт залы да зур үзгәрешләр кичерде: җылы идәннәр урнаштырылган,  диварларны ремонтлаганнар һәм штукатурлаганнар. Ярдәмче янкорма бүлмә стеналарын җылытып, профнастил белән тышлаганнар.

"Эшлисе эшләр күп әле. Тулысынча икенче кат, веранда, аерым бүлмәләр дә яңартуны көтә",-дип уртаклашты имам-хатыйб ярдәмчесе Әмир хәзрәт Насыйбуллин.

Мәчеттә ремонт эшләре нурлатлыларның һәм җирле иганәчеләрнең ярдәме хисабына алып барыла.