Төрнәстә йортларга янгын датчиклары куелды

2021 елның 23 октябре, шимбә

Төрнәс авылында күпбалалы гаиләләр һәм ялгыз яшәүче өлкәннәрнең йортларында янгын турында хәбәр бирүче 19 җайланма урнаштырганнар.

 – Моңа кадәр республиканың Гадәттән тыш хәлләр министрлыгы линиясе буенча авылыбызның социаль якланмаган гаиләләренә 50дән артыграк датчик куйган идек, – диде Сергей Белов.

 – Бу юлы җайланмалар район башкарма комитеты аша кайтты. Төрнәслеләр бу кайгырту чарасын рәхмәт белән кабул иткәннәр, чөнки кечкенә генә датчик гомерне дә, йортны да саклап калырга сәләтле бит.