Нурлатлыларга бер тапкыр бирелә торган түләүне рәсмиләштерү белән ашыгырга кирәк
Татарстан Республикасы буенча Пенсия фондының Нурлат районындагы бүлеге клиент хезмәте (бүлек хокукларында) шуны искәртә: балаларга 10 000 сум күләмендә бер тапкыр бирелә торган түләү өчен гариза тапшырмаган ата-аналар моны 2021 елның 31 октябренә кадәр эшли ала.
Шунысын билгеләп үтәргә кирәк, 6 яшь 2021 елның 1 сентябреннән дә соңга калмыйча, ә 18 яшь - 2021 елның 3 июленнән дә иртәрәк тулмаган балалары белән гаиләләр түләүгә гариза бирә ала. Шулай ук төп гомуми белем бирү программалары буенча укуларын дәвам итсәләр, 18 яшьтән 23 яшькә кадәрге сәламәтлек мөмкинлекләре чикләнгән затларга һәм инвалидларга түләү каралган.
Игътибар итегез, бер тапкыр бирелә торган түләүне алу өчен балаларда һәм ата-аналарда, уллыкка алучыларда яки попечительләрдә Россия гражданлыгы булу, шулай ук аларның Россия территориясендә яшәүләре мәҗбүри шарт булып тора.
Түләү күрсәтелгән яшьтәге һәр балага билгеләнә, гаиләнең муллыгына бәйле түгел һәм социаль ярдәмнең башка чараларын күрсәткәндә гаиләнең керемнәре составында исәпкә алынмый. Гаризада күрсәтелгән счетка күчерелә. Бу Россия Федерациясе территориясендә гамәлдә булган теләсә кайсы түләү системасының банк картасы (сберкнижка) яки банк картасы булырга мөмкин.