Нурлат районында халык санын алу оештырылган 10 стационар участок эшли

2021 елның 20 октябре, чәршәмбе

Исәпкә алу кәгазьләрен өйдән тутыру өчен Интернетка керү мөмкинлеге булмаган нурлатлылар өчен стационар исәпкә алу участоклары эшли башлады.

Республикада барлыгы 500 гә якын шундый пункт ачылды, дип хәбәр итә «Татар-информ» мәгълүмат агентлыгы.

Моннан тыш, халык санын алуда катнашу өчен КФҮгә мөрәҗәгать итәргә мөмкин.

Нурлат халкы әлеге чарада катнашу өчен уңайлы булган теләсә кайсы ысулны сайлый ала: өйдән мөстәкыйль рәвештә яки исәпкә алучының өйгә килүен көтәргә яки стационар участокка яки КФҮкә килергә дә мөмкин.