Нурлат районында яшәүчеләр үзләрен һәм якыннарын коронавирустан сакларга тырышалар
Нурлатлылар яңа чикләүләр белән бәйле рәвештә яңа коронавирус инфекциясенә каршы вакцинациягә актив килә башлады.
Наил һәм Гөлшат Галимовлар вакцинация ясауны бик озак хәл иткәннәр, һәрчак ничектер моны кичектереп килгәннәр. Әмма узган шимбәдә сырхауханәнең прививка ясау кабинетына килделәр.
«Бу кертелгән чикләүләр аркасында гына түгел. Танышлар арасында авыручылар күп, һәр көнне үлем очраклары турында ишетәбез. Шуңа күрә үз-үзебез һәм якыннарны сакларга булдык", - дип уртаклашты гаилә башлыгы.
Ял көннәрендә вакцина ясатырга теләк белдергән бу яшь парлар кебекләр үк, узган атна ахырында икеләтә артты. Бу эштә халыкның активлыгын Нурлат район хастаханәсенең баш табибы Айдар Сәгъдиев та билгеләп үтте.
«Әгәр гадәти ял көннәрендә прививка ясау кабинетына 20ләп кеше килсә, узган атнада вакцинацияләнүчеләр саны кискен артты: шимбә көнне 61 кеше прививка ясатты, якшәмбе көнне-86", – дип саннарны китерде Айдар Рөстәм улы.