ЯҢАЛЫКЛАР
Нурлат районында 12050 шәхси ярдәмче хуҗалык исәпләнә.
Районның авыл хуҗалыгы формированиеләрендә 2018 елда 2000 тонна ит һәм 31 мең тонна сөт җитештерелгән. Эре мөгезле терлекләрнең саны арта.
Нурлат районында 63 гаилә фермасы исәпләнә. Шуларның 48е терлекчелек, 14е үсемлекчелек һәм 1се кошчылык белән шөгыльләнә.
Районда 8 нефть компаниясе үз эшчәнлеген алып бара.
2018 елга юл эшләре программасы буенча районда Нурлат-Кузайкино, Чистай-Аксубай-Нурлат төбәк әһәмиятендәге 7 километр юлда эшләр башкарылган.
2018 елда “Нурлат сөте” җәмгыяте Венгриядән 95 һәм Киров өлкәсеннән 190 баш голштин токымлы терлекләр сатып алды. Бу продукцияне арттырырга мөмкинлек биргән.
Яңа ел каникулларында Галимҗан Хөсәенов исемендәге Балалар-үсмерләр спорт мәктәбе бассейнында барлык укучылар да түләүсез су коена ала.
Бүген Галимҗан Хөсәенов исемендәге Балалар-үсмерләр спорт мәктәбендә районның иң яшь футболчылары җыелды – биредә ике яшь категориясендә мини-футбол буенча ярышлар үтә.
Бүген Нурлат гимназиясе базасында район башлыгы Кубогына үсмерләр командалары арасында волейбол турниры үтә. Анда район һәм шәһәр мәктәпләре һәм аграр техникумнан 8 команда катнаша.
Нурлат район үзәк хастаханәсендә 6 урынга исәпләнгән амбулатор гемодиализ бүлекчәсе эшли. Анда Нурлат һәм тирә-күрше районнардан да пациентлар медицина ярдәме ала.